Анісію Казлюк аштрафавалі на 1700 грыўняў, выганяць з Украіны не сталі
Анісію Казлюк аштрафавалі на 1700 грыўняў (гэта каля 60$), але штамп у пашпарт, які абавязвае пакінуць Украіну, міграцыйныя органы не паставілі. Пра гэта сама праваабаронца напісала ў Фэйсбуку.
Казлюк затрымалі ў пятніцу ў Кіеве на выхадзе з цягніка з прычыны адсутнасці дазволу на пражыванне. Яе адвезлі ў паліцыю, а затрыманне патлумачылі нелегальным знаходжаннем ва Украіне. Гэта выклікала абурэнне з боку беларусаў, паколькі Анісія Казлюк вядомая як асоба, што ў часы вайны шмат рабіла для дапамогі ўкраінцам і Украіне.
Анісія ў 2018 годзе, будучы валанцёркай Праваабарончага цэнтра «Вясна», трапіла ў «трыццатку» часопіса Forbes самых перспектыўных людзей Еўропы, маладзейшых за 30 гадоў («30 Under 30 Europe») у катэгорыі «Права і палітыка».
Каментары