Больш за палову расійскай моладзі не змаглі назваць дату пачатку «Вялікай Айчыннай вайны»
Дату пачатку «Вялікай Айчыннай вайны» ведаюць толькі 48% расіян ва ўзросце ад 18 да 34 гадоў. Гэта вынікае з апытання Усерасійскага цэнтра вывучэння грамадскай думкі (ВЦИОМ), прымеркаванага да 81-й гадавіны пачатку нямецка-савецкай вайны 1941—1945 гадоў.
Сярод людзей ва ўзросце ад 35 да 44 гадоў на гэтае пытанне правільна адказваюць 68%, ад 45 да 59 гадоў — 85%. Часцей за ўсіх (88%) дакладную дату — 22 чэрвеня 1941 года — называюць рэспандэнты ад 60 гадоў.
У цэлым правільны адказ далі 73% удзельнікаў апытання, няправільную дату назвалі 17% расейцаў, яшчэ 5% прызналіся, што не ведаюць, калі пачалася «Вялікая Айчынная вайна», столькі ж апытаных не патрапілі нешта адказаць.
Большасць рэспандэнтаў (88%) на працягу апошняга года глядзелі фільмы пра «Вялікую Айчынную вайну», 41% чытаў кнігі пра яе, 21% наведваў сустрэчы з ветэранамі, а больш за палову (51%) — месцы баявой славы, музеі і мемарыялы. На месцах пахавання загінулых вайскоўцаў за апошні год пабывалі 44% апытаных.
Выйшаў на свабоду 76-гадовы Сямён Добкін, брат заснавальніка EPAM7
Каментары