Свет

На гары Гедыміна ў Вільні пасля дажджоў зноў апоўзень

На паўночна-ўсходнім схіле гары Гедыміна ў Вільні пасля 24-гадзіннага моцнага дажджу раніцай у сераду быў зафіксаваны апоўзень, паведамілі ў Літоўскім нацыянальным музеі. Гэтым разам апоўзень глебы, здаецца, не пагражае ўстойлівасці ўсёй гары, работы па ліквідацыі надзвычайнай сітуацыі ўжо пачаліся.

Спецыялісты, якія наведалі месца апоўзня, прыступілі да распрацоўкі мерапрыемстваў па стабілізацыі схілу і спыненні яго магчымага пашырэння. Сцежка на гару Гедыміна з боку ракі Віленкі на некаторы час будзе закрытая для наведвальнікаў, падняцца на яе можна на пад'ёмніку з двара Старога Арсенала.

Як паведамілі ў музеі, за станам гары пастаянна сочаць: цяпер фіксуецца павышаны ўзровень вады, але сама гара стабільная.

«Усе схілы гары Гедыміна праходзяць фізічны агляд і ацэньваецца яе стан пасля ўчорашняга дажджу», — гаворыцца ў паведамленні. У Нацыянальным музеі не выключаюць магчымасці з'яўлення новых расколін і апоўзняў, бо сітуацыя будзе залежаць ад надвор'я.

Маштабны апоўзень на гары Гедыміна ў 2017 годзе прывёў да адкрыцця пахаванняў ХІХ стагоддзя. Пасля археалагічных раскопак і наступных даследаванняў выявілася, што гэта пахаванні паўстанцаў 1863-1864 гадоў, пакараных смерцю расійскімі ўладамі ў Вільні. Сярод іх аказаліся і парэшткі нацыянальнага героя Беларусі Кастуся Каліноўскага. 

Перапахаванне паўстанцаў 22 лістапада 2019 года стала маштабнай беларускай нацыянальнай дэманстрацыяй, увесь шлях працэсіі з Кафедральнай плошчы на могілкі Росы патанаў у бела-чырвона-белых сцягах. 

Каментары

Вось чаму ў Кітаі могуць прыслухоўвацца да Польшчы

Вось чаму ў Кітаі могуць прыслухоўвацца да Польшчы

Усе навіны →
Усе навіны

Зямля ўвайшла ў метэорны паток Персеідаў. Дзе і калі пабачыць гэту незямную прыгажосць?

Прэс-сакратар польскага МЗС пра адносіны з Беларуссю: Чакаем першага рэальнага кроку з беларускага боку8

У мінскім парку Чалюскінцаў забаранілі ездзіць на шэрынгавых электрасамакатах

Чарга з аўтобусаў перад пераходам «Каменны Лог» рассмакталася2

Стала вядома, куды ўладкаваўся былы гендырэктар МТС Уладзіслаў Андрэйчанка6

Страты расійскай арміі ў 2024-м значна выраслі. Памірае 200-250 байцоў за дзень16

У Байдэна дыягнаставалі каранавірус1

788 украінскіх вайскоўцаў зніклі без вестак у баях за сяло Крынкі Херсонскай вобласці6

Улады ЗША абвінавацілі неанацыста з Грузіі ў падрыхтоўцы масавага атручвання дзяцей у Нью-Ёрку5

больш чытаных навін
больш лайканых навін

Вось чаму ў Кітаі могуць прыслухоўвацца да Польшчы

Вось чаму ў Кітаі могуць прыслухоўвацца да Польшчы

Галоўнае
Усе навіны →