Грамадства

Беларусу, які падпаліў дзверы пасольства ў Бруселі, далі тры гады ўмоўна

І гэта мінімальна магчымае пакаранне, піша «Зеркало».

Гісторыя з судовым працэсам над ураджэнцам Беларусі Антонам, які ў мінулым годзе падпаліў дзверы беларускай амбасады ў Бруселі, скончылася адносна добра: замест драконаўскіх 15-20 гадоў, якія «свяцілі» яму па бельгійскім заканадаўстве, ён мае найбольш мяккае пакаранне — тры гады ўмоўна. Пра гэта сам беларус распавёў рэдакцыі.

Нагадаем, Антон, які пражывае ў Бельгіі, у ноч з 8 на 9 жніўня мінулага года падпаліў дзверы амбасады Беларусі ў Бруселі — такім чынам ён хацеў паказаць, што «беларусы за мяжой памятаюць пра фальсіфікаваныя вынікі прэзідэнцкіх выбараў і трохі прычыніць шкоду».

З-за таго, што ў будынку знаходзіўся ахоўнік (на шчасце, ён не пацярпеў), беларуса абвінавацілі ў «падпале ноччу будынка, у якім знаходзіліся людзі». Згодна з бельгійскім Крымінальным кодэксам, за такі ўчынак можа пагражаць ад 15 да 20 гадоў зняволення.

Тым не менш суддзя, пракурор і адвакат Антона, улічваючы яго станоўчыя характарыстыкі і змякчальныя абставіны, прыйшлі да кампрамісу — прызнаць беларуса вінаватым з адмовай ад выканання пакарання ці ж у якасці альтэрнатывы прысудзіць грамадскія працы.

Праўда, пасля справу ўсё ж перадалі ў суд вышэйшай інстанцыі. Аднак пры гэтым з Антона знялі абмежаванні на выезд з Бельгіі, і ён нават паспеў з'ездзіць у Харкаў з гуманітарнай місіяй.

У выніку суд вынес беларусу найбольш мяккі па яго артыкуле прысуд — тры гады ўмоўна. Менавіта такое пакаранне для яго запытаў пракурор.

Як распавёў Антон, калегія суддзяў пасля нарады вырашыла, што наогул адмовіцца ад пакарання або абмежавацца грамадскімі працамі было б незаконна.

— І сапраўды, мяркуючы па мясцовым КК, гэта так, — адзначыў ён.

Рабіць выключэнне дзеля беларуса таксама не сталі, каб не ствараць прэцэдэнт з рызыкай, што каму-небудзь захочацца паўтарыць яго ўчынак.

Па словах Антона, у дакументы звесткі аб судзімасці ўсё ж унясуць, але праз тры гады яе можна будзе зняць.

Каментары

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

Усе навіны →
Усе навіны

Хто той хлопец, які падарваў расійскага афіцэра ў Маскве і быў арыштаваны ў Турцыі6

Джо Байдэн: Я перадаю эстафету новаму пакаленню

«Раптам не прыйшоў на працу, а праз пару дзён яго затрымалі». Новыя падрабязнасці пра немца, прысуджанага да расстрэлу ў Беларусі1

У Добрушскім раёне асвяцілі хлеў з каровамі ФОТАФАКТ7

Беларус накарміў вужа рыбай і зняў працэс на ВІДЭА1

У Ляхавіцкім раёне мужчына хацеў спаліць суседскі хлеў, ды памыліўся будынкам1

У Італіі затрымалі беларуса, аб'яўленага ў вышук на радзіме4

У Беларусі будуць будаваць менш новых дарог1

Шольц адмовіўся каментаваць магчымасць абмену Рыка Крыгера на Вадзіма Красікава7

больш чытаных навін
больш лайканых навін

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

Галоўнае
Усе навіны →