Вайна

Улады самаабвешчанай «ДНР» кажуць пра абстрэлы Данецка і клічуць на дапамогу Маскву

Нешта адбываецца на тэрыторыях украінскага Данбаса, акупаваных Расіяй яшчэ ў 2014—2015 гадах. Кіраўнікі самаабвешчанай «ДНР» паведамляюць пра абстрэлы Данецка і клічуць на дапамогу Расію.

Фота Данецка пад абстрэламі, якое распаўсюджваецца прапагандыстамі самаабвешчанай «ДНР»

Пра інтэнсіўныя абстрэлы Данецка ўкраінскімі войскамі «дэнээраўцы» сталі паведамляць пасля 18-й гадзіны. Паводле іх, украінцы выпусцілі па гораду дзясяткі і сотні ракет і цяжкіх снарадаў. Адна з ракет нібыта патрапіла ў гарадскі рынак «Майскі», ёсць загінулыя і параненыя. Праходзіла інфармацыя таксама, што нібыта снарад патрапіў у радзільню, дзе разбураны дах і павыбіваныя шыбы.

Кіраўнік «ДНР» Дзяніс Пушылін выступіў з відэазваротам, у якім заявіў, што з-за гэтага будуць задзейнічаныя «ўсе неабходныя дадатковыя сілы саюзніцкіх сіл, у першую чаргу Расійскай Федэрацыі».

Украінскія ўлады «абстрэлы Данецка» ніяк не каментуюць.

Нагадаем, што падобная сітуацыя была перад пачаткам вайны, калі спачатку прызнанне «ДНР» і «ЛНР», а пасля і пачатак паўнамаштабных баявых дзеянняў з боку Расіі суправаджалася шумнай інфармацыйнай кампаніяй: паведамленнямі пра абстрэлы самаабвешчаных рэспублік і дыверсійныя акты, эвакуацыяй насельніцтва і г. д. 

Цалкам верагодна, што і цяпер пад гэты шум Расія хоча распачаць нейкую новую эскалацыю, прыкрываючыся неабходнасцю абароны «народа Данбаса».

Каментары

Чаму расійскія дроны сталі часцей залятаць у Беларусь?

Чаму расійскія дроны сталі часцей залятаць у Беларусь?

Усе навіны →
Усе навіны

Расійскі шахед выбухнуў за 55 км ад Бабруйска22

Паслабленні для беларускіх турыстаў уводзіць Тайланд

З беларусам тыдзень няма сувязі пасля таго, як ён перасёк мяжу з Польшчай1

88-гадовы апальны экс-кіраўнік «Пінскдрэва» Арыніч жыве ў Беластоку ў здымнай кватэры за кошт сваякоў2

Памёр Ігар Гіпс

«Калі ўпала першая льдзінка, я зразумела, што ўсё». Град памерам з курынае яйка пашкодзіў машыну беларускі2

У Беларусі затрымалі літоўца, які абвінавачваецца на радзіме ў забойстве2

Ціханоўская: Абмежаванні на мяжы не закрануць аўтобусы і маршруткі22

Літовец расказаў, як трапіў у полк Каліноўскага3

больш чытаных навін
больш лайканых навін

Чаму расійскія дроны сталі часцей залятаць у Беларусь?

Чаму расійскія дроны сталі часцей залятаць у Беларусь?

Галоўнае
Усе навіны →