Палітвязню Вячаславу Папову, асуджанаму да «хіміі», узмацнілі рэжым. Яго пераводзяць у калонію
9 чэрвеня ў судзе Кастрычніцкага раёна Гродна адбыўся разгляд справы аб узмацненні рэжыму палітвязню Вячаславу Папову. Суддзя Віталь Лабоцкі пастанавіў перавесці Вячаслава з «хіміі» ў папраўчую калонію.
Яму засталося адбыць у калоніі каля 9 месяцаў. Пакуль невядома, куды накіруюць палітвязня.
Мінчука затрымалі 10 сакавіка 2021 года ў яго дома. Дачакаўшыся, пакуль бацькі Вячаслава з’едуць, сілавікі ўзламалі дзверы ў кватэры, паклалі хлопца на падлогу і моцна збілі. У кватэры быў праведзены ператрус, на які бацькоў не пусцілі.
Паводле абвінавачвання, Вячаслаў Папоў прыняў актыўны ўдзел у несанкцыянаваных масавых мерапрыемствах, удзел у пратэстах 9, 10 жніўня, 30 жніўня і 27 верасня, напрыклад, 9 жніўня — і абразлівыя словы ў адрас супрацоўнікаў праваахоўных органаў, а 27 верасня сярод іншага — наклеіў стыкер на святлафор і выкрыкваў лозунг «Жыве Беларусь». Яго судзілі па ч. 1 арт. 342 Крымінальнага кодэкса (грубае парушэнне грамадскага парадку).
10 ліпеня 2021 Вячаславу прызначылі 3 гады «хіміі». Тэрмін хлопец адбываў у гродзенскай ПУАТ №24.
Экс-палітзняволеная расказала, як выходзіла па памілаванні і пра тое, што чуваць пра Калеснікаву1
Каментары