Супраць Паўла Белавуса заведзена крымінальная справа за «кіраўніцтва экстрэмісцкім фармаваннем»
Следчы камітэт распачаў крымінальную справу аб кіраўніцтве экстрэмісцкім фармаваннем (артыкул 361-1 КК) супраць заснавальніка крамы symbal.by Паўла Белавуса. Пра гэта паведамляе Медыязона са спасылкай на праўладны тэлеграм-канал.
«У 2020 годзе праз яго канторку ажыццяўлялася фінансаванне экстрэмісцкай дзейнасці, а таксама напампоўванне пратэстных мас бчб-шнай сімволікай для дэманстрацыі карцінкі ў якасці справаздачы аб выдаткаваных уліваннях на дзяржпераварот», — пішуць аўтары телеграм-канала.
Яны дадаюць, што ў Беларусі знаходзяцца людзі, «якія атрымлівалі грошы на фінансаванне дзяржаўнага перавароту з Польшчы для «размывання» вялікіх сумаў, якімі затым распараджаўся Белавус», таму «іх дзеянням будзе дадзеная прававая ацэнка».
У канцы снежня 2021 года symbal.by паведамляў, што супраць беларуса завялі крымінальную справу аб грубым парушэнні парадку (артыкул 342 КК).
«Азначэнне Беларусі як выпаленай зямлі мне не падабаецца». Маналог беларуса, які нядаўна з’ехаў з краіны2
Каментары