Свет

Самаабвешчаная Паўднёвая Асеція збіраецца праводзіць рэферэндум аб уваходжанні ў склад Расіі. Але не факт, што правядзе

Дзеючы кіраўнік самаабвешчанай рэспублікі Паўднёвая Асеція Анатоль Бібілаў прызначыў рэферэндум па пытанні аб'яднання Паўднёвай Асеціі і Расіі на 17 ліпеня 2022 года. Адпаведны ўказ апублікаваны на ягоным сайце. Але нюанс у тым, што ў ліпені кіраўнік там будзе іншы.

Агітацыйны плакат у сталіцы Паўднёвай Асеціі Цхінвалі

Бібілаў, які выступіў з ініцыятывай аб правядзенні рэферэндуму, у другім туры мясцовых прэзідэнцкіх выбараў прайграў апазіцыянеру Алану Гаглоеву. А апошні, у сваю чаргу, лічыць, што з рэферэндумам спяшацца не варта, прынамсі да заканчэння расійскай «спецыяльнай аперацыі».

«Мы павінны разумець свайго стратэгічнага партнёра. Як толькі будзе сігнал, як толькі будзе разуменне, што настаў час — гэты рэферэндум мы правядзем абавязкова», — сказаў ён у інтэрв'ю ТАСС.

У Крамлі таксама заявілі, што не маюць дачынення да ідэі правядзення рэферэндуму.

Паўднёвая Асеція абвясціла аб сваім суверэнітэце яшчэ за часамі СССР, у 1990 годзе. З таго часу большасць тэрыторыі гэтай колішняй аўтаномнай вобласці ў складзе Грузінскай ССР грузінская дзяржава не кантралявала, тэрыторыя існавала ў фармаце нікім не прызнанай самаабвешчанай дзяржавы. У 2008 годзе рэспубліка атрымала прызнанне Масквы. Ні Грузія, ні пераважная частка свету ніколі гэтага акту не прызнавалі. 

Трэба сказаць, што ідэі аб аб'яднанні з Расіяй у Паўднёвай Асеціі ўзнікаюць рэгулярна. Пры розных кіраўніках у розныя часы выказваліся падобныя ініцыятывы і дэманстравалася поўная гатоўнасць да аб'яднання — але Масква ніколі не давала на гэта адмашку. І не факт, што дасць цяпер.

Каментары

Работніцы суда пагражае да 12 гадоў за «заклікі да санкцый і абразу Лукашэнкі»

Работніцы суда пагражае да 12 гадоў за «заклікі да санкцый і абразу Лукашэнкі»

Усе навіны →
Усе навіны

Гэты карлікавы кот з сарамлівым выглядам стаў новай зоркай сацсетак5

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў2

Замах на Дональда Трампа планаваў Іран — CNN11

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі30

больш чытаных навін
больш лайканых навін

Работніцы суда пагражае да 12 гадоў за «заклікі да санкцый і абразу Лукашэнкі»

Работніцы суда пагражае да 12 гадоў за «заклікі да санкцый і абразу Лукашэнкі»

Галоўнае
Усе навіны →