Свет

Былы футбаліст Сяргей Раброў: Беларуская ўлада вінаватая адназначна, а да народа я прэтэнзій не маю 

Былая зорка кіеўскага «Дынама» і зборнай Украіны Сяргей Раброў даў інтэрв'ю Zerkalo.io, у якім сярод іншага расказаў пра тое, што ведае пра беларускую сітуацыю, і правёў выразную лінію паміж беларускай уладай і народам.

Сяргей Раброў. Фота: Reuters

Чытаць цалкам: https://news.zerkalo.io/cellar/14221.html?c

— Вы ў курсе, што адбываецца ў Беларусі?

— Безумоўна. Пасля выбараў у 2020 годзе гэта суцэльная прапаганда ў дзяржаўных СМІ. Плюс сілавы кантроль. Стаўленне ўлады да людзей у вас яшчэ больш жорсткае, чым у Расіі. За выхад з любым плакатам людзі атрымліваюць рэальны тэрмін, не кажучы ўжо пра нейкія мітынгі. Ясная справа, усе баяцца. Вельмі складана змагацца з рэжымам Лукашэнкі знутры.

— Спартоўцы павінны выказвацца і публічна падтрымліваць Украіну?

— У кожнага свой лёс. У Беларусі, як і ў Расіі, калі выкажашся, то, напэўна, трэба з'язджаць. Але не кожны мае магчымасць пабудаваць жыццё за мяжой. Чалавек наогул досыць слабы па натуры. Складана пераламаць сябе. Хто гэта зрабіў, пакінуў Беларусь яшчэ раней. А большасць тых, хто застаўся, веру, разумеюць сітуацыю, але вымушаныя маўчаць. Бо нават непублічных людзей прыцягваюць да адказнасці.

— Маўчаць і тыя, хто нарадзіўся ва Украіне, але даўно атабарыўся ў Беларусі: Зубрылава, Кушнір, Цупер…

— У маім разуменні гэта няправільна. Ва Украіне гінуць людзі, іх народ. Яшчэ мне смешна, калі хтосьці кажа, што яго не пыталіся. Сёння столькі мэсэнджараў і магчымасцяў выказаць сваю пазіцыю! Я, па-мойму, адзін такі заставаўся, у каго няма акаўнтаў у сацыяльных сетках. Вось і размаўляю звычайна напрамую.

— Вы вінаваціце беларусаў у вайне?

— Урад — адназначна. З тэрыторыі Беларусі, наколькі чытаў, выпусцілі сотні ракет. Заходзілі войскі. Але народ салідарны з Украінай. Былі прыклады партызанскай барацьбы. Некаторыя беларусы паехалі ваяваць за нашу краіну. Беларусы — прыстойныя людзі. У іх няма імперскіх амбіцый, як у расіян. Таму ніякіх прэтэнзій.

У мяне нямала знаёмых, прычым не толькі ў спорце. У кіеўскім «Дынама» гуляў з Сашам Хацкевічам і Валікам Бялькевічам, братамі [Уладзімірам і Міхаілам] Макоўскімі. Мы разам змагаліся на полі. З Аляксандрам звязваўся пасля пачатку вайны. Удзячны ўсім за падтрымку.

Каментары

Стрыжак расказаў, як яго вербавалі спецслужбы2

Стрыжак расказаў, як яго вербавалі спецслужбы

Усе навіны →
Усе навіны

Удзельнік апазіцыйнага руху Віталь Лухвіч выявіўся платным міліцэйскім стукачом27

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

больш чытаных навін
больш лайканых навін

Стрыжак расказаў, як яго вербавалі спецслужбы2

Стрыжак расказаў, як яго вербавалі спецслужбы

Галоўнае
Усе навіны →