Усяго патроху

«Дай нам унука ці 650 тысяч даляраў». У Індыі бацькі падалі ў суд на сына па незвычайнай прычыне

Індыйская пара падала ў суд на ўласнага сына і яго жонку. Бацькі патрабуюць ад іх, каб тыя або нарадзілі ім на працягу года ўнука, або выплацілі амаль 650 тысяч даляраў.

Мурал у Мумбаі. Фота: Indranil Mukherjee / AFP / Getty Images

Санджыў і Садхана Прасад кажуць, што аддалі ўсе свае зберажэнні на тое, каб выхаваць сына і даць яму адукацыю пілота, а таксама на яго пышнае вяселле. Цяпер яны хочуць атрымаць гэтыя грошы назад, піша The Guardian.

У сваім хадайніцтве ў суд пара напісала, што іх сын жанаты ўжо шэсць гадоў, але яны з жонкай усё яшчэ не плануюць нараджэнне ўнука. Санджыў і Садхана лічаць, што калі ў іх з’явіцца ўнук, з якім можна будзе праводзіць час, іх жыццё стане больш цярпімым.

Бацькі патрабуюць ад сына кампенсацыю ў памеры 50 мільёнаў рупій (646 тысяч даляраў). Гэтая сума ўключае ў сябе кошт вяселля ў пяцізоркавым гатэлі, раскошнай машыны цаной у 80 тысяч даляраў і аплату мядовага месяца, які пара правяла за мяжой. Бацькі таксама патрацілі 65 тысяч даляраў, каб іх сын атрымаў адукацыю пілота ў ЗША, але ж ён не здолеў знайсці сабе працу па спецыяльнасці.

Санджыў і Садхана былі вымушаныя ўзяць крэдыт, каб пабудаваць свой дом, і цяпер маюць вялікія цяжкасці з фінансамі. Яны адчуваюць сябе цяжка і ў псіхалагічным плане, бо жывуць адны.

Суд у паўночнай Індыі пачне разглядаць справу 17 мая.

Індыя вядомая сваёй моцнай сямейнай сістэмай. У гэтай краіне прынята, каб некалькі пакаленняў адной сям’і — напрыклад, бабулі і дзядулі, пляменнікі, цёткі і дзядзькі — жылі разам.

Але ў апошні час тэндэнцыя пачала змяняцца. Маладыя пары стараюцца аддаліцца ад бацькоў, братоў і сясцёр, а жонкі выбіраюць працу, а не выхаванне дзяцей.

«Змрочнаму» амерыканцу зладзілі на працы вечарыну, якой ён не хацеў. Гэта каштавала працадаўцы 450 тысяч даляраў

Каментары

Стрыжак расказаў, як яго вербавалі спецслужбы5

Стрыжак расказаў, як яго вербавалі спецслужбы

Усе навіны →
Усе навіны

У Лідзе затрымалі ўладальніка кавярні «Тутака»

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

больш чытаных навін
больш лайканых навін

Стрыжак расказаў, як яго вербавалі спецслужбы5

Стрыжак расказаў, як яго вербавалі спецслужбы

Галоўнае
Усе навіны →