Крамлёўскі рэжым імкнецца знішчыць украінскую нацыю, таму такія дзеянні павінны быць прызнаныя генацыдам, а Расія зʼяўляецца дзяржавай, якая падтрымлівае і ажыццяўляе тэрарызм, прызнаў у аўторак парламент Літвы, піша Delfi.
Сейм аднагалосна прагаласаваў за адпаведную рэзалюцыю — 128 галасоў. Парламент канстатаваў, што расійскія ўзброеныя сілы здзейснілі масавыя ваенныя злачынствы на тэрыторыі Украіны, у тым ліку ў гарадах Буча, Ірпень, Марыупаль, Барадзянка і Гастомель. Згодна з дакументам, прадугледжваецца мэта поўнага або частковага знішчэння ўкраінскай нацыі, яе духу шляхам забойства яе членаў цэлымі семʼямі, у тым ліку дзяцей, выкраданне іх, катаванне, згвалтаванне, у тым ліку і непаўналетніх, здзекі з целаў забітых і закатаваных.
«Сейм Літвы прызнае поўнамаштабную ўзброеную агрэсію супраць Украіны з боку ўзброеных сіл Расійскай Федэрацыі і яе палітычнага і ваеннага кіраўніцтва, распачатую 24 лютага 2022 года, генацыдам украінскага народа», — гаворыцца ў рэзалюцыі. У ёй таксама падкрэсліваецца, што ўсе вінаватыя павінны быць прыцягнутыя да адказнасці, і што міжнародная супольнасць павінна стварыць Спецыяльны міжнародны крымінальны трыбунал для расследавання і ацэнкі агрэсіі Расіі супраць суверэннай Украіны.
Сейм Літвы заклікае да таго, каб у гэтага трыбунала былі паўнамоцтвы выдаваць міжнародныя ордары на арышт, і каб імунітэту не мелі дзяржавы ці кіраўнікі дзяржаў і ўрадаў ды іншыя дзяржаўныя службовыя асобы.
«Расійская Федэрацыя, узброеныя сілы якой свядома і сістэматычна выбіраюць грамадзянскія абʼекты для бамбардзіровак, зʼяўляецца дзяржавай, якая падтрымлівае і ажыццяўляе тэрарызм», — гаворыцца ў рэзалюцыі. Уварванне Расіі ва Украіну прывяло да гібелі тысяч мірных жыхароў, разбурэння грамадзянскай інфраструктуры, маюцца паведамленні аб сэксуальным гвалце над украінскімі жанчынамі і дзецьмі, выкраданні людзей і іншых злачынствах.
-
Двое жыхароў Новасібірска згвалтавалі і забілі студэнтку. Яны выйшлі на волю на 15 гадоў раней — паехалі на вайну
-
Байдэн хоча паспець выкрасліць Кубу са спісу спонсараў тэрарызму ў абмен на вызваленне палітвязняў
-
У Славакіі школьнік адмовіўся паціснуць руку прэзідэнту праз яго пазіцыю па вайне ва Украіне
Каментары