Італія папрасіла Еўрасаюз, каб той дазволіў кампаніі «Белавія» зрабіць некалькі чартарных рэйсаў для вывазу беларускіх дзяцей на аздараўленне. Пра гэта сказаў амбасадар Італіі ў Беларусі Марыё Джорджа Стэфана Бальдзі, паведамляе Рэспубліканскі саюз турарганізацый.
![](http://d3kcf2pe5t7rrb.cloudfront.net/img/w840d4webp1/photos/z_2022_04/57661826_303-dqea9.jpeg.webp)
У 2019 годзе італьянская амбасада ў Беларусі выдала каля 24 тысяч віз, з іх 7 тысяч — дзецям для паездак на аздараўленне. Але пасля аздараўленчыя паездкі беларускіх дзяцей перапыніліся ў 2020 годзе, калі пачалася пандэмія каранавірусу. А яшчэ праз год Еўрасаюз закрыў сваё неба для Беларусі пасля прымусовай пасадкі ў Мінску самалёта Ryanair.
Цяпер Італія хоча аднавіць тыя аздараўленчыя паездкі, таму і падала заяўку на дазвол шасці гуманітарных чартараў «Белавія» — у Рым, Мілан і Бары.
Каментары