Эканоміка

У Беларусі адкрылі новыя радовішчы нафты

Кампанія «Беларуснафта» адкрыла новыя нафтавыя залежы і радовішчы ў некалькіх зонах Прыпяцкага прагіну. Паводле ацэнкі геолагаў, рэсурсная база вуглевадародаў на нафтавым радовішчы і залежах у суме перавышае 6 млн тон, піша газета «Белорусы и рынок».

У Брагінскім раёне пацверджаная прамысловая нафтаноснасць адкладаў на Усходне-Амелькаўшчынскай структуры. Папярэдняя ацэнка рэсурснай базы тут — 500 тыс. тон нафты.

На Бескапыльноўскім радовішчы ў Хойніцкім раёне спецыялісты «Беларуснафты» адкрылі 3 новыя высокапрадуктыўныя залежы. Іх патэнцыял — прыкладна 800 тыс. тонаў нафты, а ў цэлым па радовішчы — больш за 3 млн тонаў.

Запасы на Паўночна-Бярэзінскім радовішчы ў Жлобінскім раёне ацэньваюцца ў 900 тыс. тонаў нафты. Рэсурсны патэнцыял ўчастка можа складаць больш за 3 млн тонаў.

«У цэлым сёлета адкрыцці нашай кампаніі звязаныя з чатырма раёнамі — Брагінскім, Хойніцкім, Рэчыцкім і Жлобінскім. Сумарна сёлета за кошт геолага-разведачных работ прырасцілі больш за 6 млн тонаў запасаў нафты», — адзначыў намеснік гендырэктара «Беларуснафты» па геалогіі Пётр Паўжык.

Па стане на 2021 год прадпрыемства «Беларуснафта» вяло здабычу нафты і газу на 64 радовішчах у Беларусі. З 2013 года штогадовы аб'ём здабычы трымаўся на ўзроўні ў 1 млн 645 тысяч тон, а з 2017 года пачаўся невялікі штогадовы рост гэтых аб'ёмаў.

Каментары

Расійскі шахед выбухнуў за 55 км ад Бабруйска3

Расійскі шахед выбухнуў за 55 км ад Бабруйска

Усе навіны →
Усе навіны

Латвія хоча наогул забараніць машынам з беларускімі нумарамі перасоўвацца па краіне8

Віцебская сям'я знайшла зніклага сваяка праз 25 год1

Трамп упершыню з'явіўся на публіцы з перавязаным вухам пасля стрэлаў у Пенсільваніі ФОТА1

Беларус, які сарваўся са скалы ў Кабардзіна-Балкарыі, загінуў

«Білі флагштокам, каб роўна стаяў на каленях перад начальнікам», — палітвязень, які мяняў сцягі на бел-чырвона-белыя, расказаў пра зняволенне

Уначы шахед зноў заляцеў у Беларусь1

На Валожыншчыне блаславілі новы помнік на магіле святара, якога забілі камсамольцы ў 1950 годзе1

Што адбываецца з кліматам? Такая спёка летам будзе заўсёды?6

Беларуса затрымалі пасля адпачынку ў Італіі3

больш чытаных навін
больш лайканых навін

Ад заўтра абмежаванні на ўезд аўто з беларускімі нумарамі мае ўвесці Літва

Ад заўтра абмежаванні на ўезд аўто з беларускімі нумарамі мае ўвесці Літва

Галоўнае
Усе навіны →