Свет

Гандлёвыя сеткі Літвы вызначыліся, што рабіць з рэшткамі расійскіх і беларускіх тавараў

Большасць буйных літоўскіх гандлёвых сетак не збіраюцца вяртаць на прылаўкі расійскія і беларускія тавары, піша delfi.lt. А тыя, хто верне, пусцяць атрыманыя ад продажу прыбыткі на дабрачыннасць.

Фота: DELFI / Šarūnas Mažeika

Кіраўнік аддзела камунікацый літоўскай гандлёвай сеткі Iki Вайда Будрэне запэўнівае, што ў крамах Iki не прадаюцца расійскія і беларускія тавары, а сетка не падтрымлівае гандлёвых стасункаў з Расіяй і Беларуссю.

«У першыя дні вайны мы вывезлі ўсе беларускія і расійскія тавары, заблакавалі іх продаж праз касы і не збіраемся вяртаць гэтыя тавары на прылаўкі», — паведаміла Будрэне.

Сетка крамаў Lidl Lietuva таксама не мае намеру вяртаць на паліцы расійскія і беларускія тавары. Па словах Ліны Скерсіце, прадстаўніка па сувязях з грамадскасцю Lidl Lietuva, раздробная сетка і так ніколі не вылучалася надта вялікім асартыментам тавараў з гэтых краін.

«Расійскія ці беларускія тавары ў нас былі толькі ў невялікіх колькасцях падчас акцый. Цяпер жа ў нашым асартыменце такіх тавараў няма», — запэўніла Скерсіце.

Прадстаўніца сеткі Maxima па сувязях з грамадскасцю Рыма Аўкшталіце таксама заявіла, што вяртацца да продажу расійскіх і беларускіх тавараў не плануецца.

«Па стане на 28 лютага ў нашых крамах больш няма тавараў расійскай і беларускай вытворчасці — яны канфіскаваныя з гандлю, а замовы на новыя тавары прыпыненыя», — паведаміла Аўкшталіце.

Да ўварвання Расіі ва Украіну вялікую частку расійскіх і беларускіх тавараў у гандлёвых сетках Літвы складалі алкагольныя напоі. Прадстаўніца Maxima заявіла, што да пачатку вайны доля тавараў расійскай вытворчасці складала каля 0,8% ад агульнага аб'ёму продажаў, беларускіх — 0,4%.

«Алкагольныя напоі, сухія паўфабрыкаты і соусы, цукеркі складаюць найбольшую долю расійскай прадукцыі. Меншая частка — чай у пакеціках, семкі», — пералічыла Аўкшталіце.

«На той момант большую частку продажаў прадукцыі беларускай вытворчасці фармавалі ўсяго 50 тавараў: алкагольныя і безалкагольныя напоі, рыбная прадукцыя, гематаген. Спіртныя напоі складаюць найбольшую долю іхных тавараў, а таксама вялікая колькасць тавараў прамысловага прызначэння», — дадала яна.

Між тым начальнік аддзела камунікацый Iki Вайда Будрэне засведчыла, што большую частку прадукцыі вышэйзгаданых краін складае гарэлка.

«У нас былі чай, шампуні, кандыцыянеры, рыбныя прадукты, але найбольшым попытам карысталіся алкагольныя напоі», — сказала Будрэне.

Прадстаўнікі абедзвюх гандлёвых сетак дадалі, што вялікую частку сваёй расійскай і беларускай прадукцыі яны аддалі «Харчоваму банку».

«З расійскіх і беларускіх прадуктаў мы ахвяравалі, што маглі, «Харчоваму банку», — паведаміла прэс-сакратар Iki.

«Мы ўжо перадалі свежыя прадукты ў «Харчовы банк». Мы таксама будзем ахвяраваць іншыя тавары, якія можам, акрамя алкаголю.

Мы дамовіліся, што расійскія і беларускія тавары будуць раздаваць неваенным бежанцам з Украіны па этычных меркаваннях — яны будуць раздавацца жыхарам Літвы, якія жывуць у нястачы», — патлумачыла прадстаўнік Maxima па сувязях з грамадскасцю Аўкшталіце.

Крыху адрозную ад іншых пазіцый заняла гандлёвая сетка Norfa. Пасля ваеннага ўварвання Расіі ва Украіну яна зразу прыпыніла замовы на тавары з Расіі і прыбрала расійскія тавары з паліц крамаў, але ў пачатку красавіка заявіла, што тавары будуць вернутыя, а атрыманыя ад гэтага каля 0,5 млн еўра пойдуць на дабрачыннасць.

Прадстаўнік Norfa Дарус Рылішкіс запэўнівае, што цяпер у крамах не так шмат расійскіх і беларускіх тавараў.

«Мы плануем рэалізаваць астатнюю прадукцыю на працягу некалькіх месяцаў. Можна чакаць, што на гэтую прадукцыю будуць акцыі», — сказаў Дарус Рылішкіс.

Каментары

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

Былая палітзняволеная: Мая сям'я патраціла за два гады $10 тысяч на адвакатаў і перадачы для мяне1

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →