«БТА Банк» амаль на чатыры дні — з 31 сакавіка па 3 красавіка — прыпыніць працу кас, абменнікаў, тэрміналаў самаабслугоўвання. У гэты перыяд не будуць працаваць інтэрнэт-банкінг, мабільны дадатак. Прычына ў абнаўленні інфармацыйных сістэм абслугоўвання.
Чатыры дні будзе недаступнае разлікова-касавае абслугоўванне фізічных асоб, а таксама немагчыма будзе пагасіць крэдыты або папоўніць рахункі праз АРІП.
«Зняцце і ўнясенне ў касах банка наяўных грашовых сродкаў на рахункі фізічных і юрыдычных асоб праводзіцца не будзе», — удакладняюць у банку.
Пры гэтым кліентам будуць даступныя разлік картамі за тавары і паслугі, пераводы праз сэрвіс «Lovi Money», а таксама зняцце наяўных у банкаматах.
«Кантакт-цэнтр і аддзелы рознічнага бізнэсу працуюць з фізічнымі асобамі выключна ў рэжыме аказання кансультацыйных паслуг», — удакладнілі ў банку.
Беларуская блогерка працавала на расійскай апазіцыйнай фабрыцы ботаў, а пасля зліла дакументы?43
Каментары