Свет

Зяленскі парламенту Ізраіля: Абыякавасць забівае. Чаму вы не хочаце нам памагчы?

Сёння прэзідэнт Украіны выступіў з прамовай, звернутай да парламента Ізраіля. Прамова была напоўненая болем і дакорам. Зяленскі нагадваў пра паралелі ў колішняй яўрэйскай і сучаснай украінскай трагедыяй, падкрэсліваў, што расійскія снарады і бомбы падаюць і на месцы, святыя для яўрэяў усяго свету. Ён сцвярджае, што ёсць толькі такі выбар: дапамагаць ці быць абыякавымі. А пасярэдніцтва можа быць паміж дзяржавамі, а не паміж дабром і злом.

Здымак ілюстрацыйны. Фота: Андрэй Гудзенка / LIGA.net.

Асноўны змест прамовы Зяленскага:

«Мы ў розных дзяржавах і ў зусім розных умовах. Але пагроза ў нас адна — татальнае знішчэнне народа, дзяржавы, культуры і нават імя. Я хачу, каб вы задумаліся пра 24-га лютага, дзень пачатку ўварвання Расіі ва Украіну. Гэты дзень увайшоў у гісторыю двойчы, і абодва разы — як трагедыя для ўкраінцаў і для яўрэяў.

24 лютага 1920 года была заснаваная НСДАП, партыя, якая забрала мільёны жыццяў, якая знішчыла цэлыя краіны. Праз 102 гады, таксама 24 лютага, быў аддадзены загад аб уварванні Расіі на тэрыторыю Украіны.

Гэтае ўварванне, якое забрала тысячы жыццяў і якое зрабіла мільёны людзей выгнаннікамі. Нашы людзі цяпер раскіданыя па свеце, шукаюць бяспеку, як калісьці шукалі і вы.

Паслухайце, што кажа Крэмль — там гучаць нават тэрміны, якія гучалі ў нацысцкай Германіі.

Падчас Другой сусветнай вайны гэта называлася «канчатковым вырашэннем яўрэйскага пытання». А цяпер у Крамлі гэта называецца «канчатковае вырашэнне ўкраінскага пытання».

Народ Ізраіля, ты бачыў, як расійскія ракеты ўдарылі па Бабіным Яры, дзе пахаваныя больш за сто тысяч ахвяр Халакоста. У першы ж дзень рускія снарады ўдарылі па горадзе Умань, які наведваецца дзясяткамі тысяч яўрэяў штогод.

Упэўнены, што кожнае слова майго звароту ў вашых сэрцах адклікаецца болем, але ці можаце вы растлумачыць, чаму мы да гэтага часу звяртаемся да ўсяго свету па дапамогу, нават да вас звяртаемся па візу?

Абыякавасць забівае, разлікі часта памылковыя, а пасярэдніцтва можа быць паміж дзяржавамі, а не паміж дабром і злом.

Кожны ведае, што ваша супрацьракетная абарона магутная, ваша зброя моцная, вы можаце адстойваць інтарэсы свайго народа і вы можаце абараніць сёння жыццё украінцаў, украінскіх яўрэяў.

Можна доўга пытацца, чаму вы да гэтага часу не далі зброю або чаму не ўвялі санкцыі супраць Расіі? Але гэта будзе ваш выбар. Цяпер у вас ёсць выбар».

Каментары

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Усе навіны →
Усе навіны

МЗС Польшчы абвяргае інфармацыю аб забароне на ўезд для беларускіх аўтамабіляў — Вячорка10

У Мінску скардзяцца на затрымку выдачы пашпартоў. У чым прычына?7

«На першым допыце я расказаў усё, што ведаў». Стрыжак пра тое, як у 16 гадоў падставіў актывістку10

Чаму так шмат маладых хварэе на рак?5

Стала вядома, як пакаралі беларуса, які адрэзаў вушы сабаку3

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда3

Сайт «Белсата» перайшоў на мінімальны рэжым працы4

Дырэктарка Сакрэтнай службы ЗША пасля замаху на Трампа пайшла ў адстаўку6

Стала вядома пра арышт гісторыка Ігара Мельнікава21

больш чытаных навін
больш лайканых навін

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Галоўнае
Усе навіны →