Пуцін сёння ў рэжыме анлайн-канферэнцыі правёў пасяджэнне Рады бяспекі. Ён выступіў з прамоваю. Паводле прэзідэнта Расіі, асноўны супраціў ва Украіне аказвае не рэгулярная армія, а «нацыяналістычныя фармаванні, якія, як вядома, і нясуць прамую адказнасць за генацыд на Данбасе і кроў мірных грамадзян».
«Нацыяналістычныя элементы, укаранёныя ў склад рэгулярных украінскіх часцей, не толькі падбухторваюць іх да аказання ўзброенага супраціву, але і па сутнасці граюць ролю загарадатрадаў», — сказаў Пуцін.
Ён заявіў, што «бендэраўцы і неанацысты выстаўляюць цяжкае ўзбраенне, у тым ліку сістэмы залпавага агню, прама ў цэнтральных раёнах буйных гарадоў, у тым ліку Кіева і Харкава».
«Яны плануюць выклікаць агонь у адказ расійскіх ударных комплексаў па жылых кварталах. Яны дзейнічаюць, як тэрарысты ва ўсім свеце, прыкрываюцца людзьмі ў надзеі затым абвінаваціць Расію ў ахвярах сярод мірнага насельніцтва. Дакладна вядома, што ўсё гэта адбываецца па рэкамендацыі замежных кансультантаў, перш за ўсё амерыканскіх дарадцаў», — сказаў Пуцін.
Ён звярнуўся да ваеннаслужачых узброеных сіл Украіны, заклікаў іх браць уладу ў свае рукі.
«Падобна, нам з вамі будзе лягчэй дамовіцца, чым з гэтай шайкай наркаманаў і неанацыстаў, якая засела ў Кіеве і ўзяла ў закладнікі ўвесь украінскі народ», — сказаў Пуцін.
Больш навінаў па тэме глядзіце ў нашым АНЛАЙНЕ
Памятаеце правакатара і даносчыка Яўгена Какойта? Ён цяпер таксама палітвязень4
Каментары