Эканоміка

Politico: Украіна за апошнія гады стала жытніцай Еўропы і Блізкага Усходу. Напад на яе прывядзе да дзікага скачка цэн на прадукты

Калі Расія ўварвецца ва Украіну, гэта будзе вялікія наступствы для глабальнай бяспекі і рынкаў энергарэсурсаў. Аднак ёсць яшчэ адна з’ява, якую варта ўлічваць.

Украіна апошнія гады збірала рэкордныя ўраджаі кукурузы і пшаніцы. Фота: depositphotos.com.

Украіна — адзін з найбольшых у свеце вытворцаў сельгаспрадукцыі. Калі там пачнецца вялікі канфлікт, гэта выкліча турбулентнасць на рынку прадуктаў і рост цэнаў на ежу. І гэта пры тым, што свет і так мае справу з поскавідным скачком інфляцыі, піша Politico.

Цяпер Украіна пастаўляе ў ЕС прыкладна чвэрць яго імпарту зерневых і алею, у тым ліку каля паловы імпарту кукурузы. ЕС мае моцную харчовую вытворчасць, таму, напэўна, ён будзе здольны адаптавацца да новай рэальнасці без паставак з Украіны.

Зусім іншая справа — Блізкі Усход і Паўночная Афрыка. Егіпет, напрыклад, закупляе шмат украінскага зерня. Ліван вельмі залежыць ад імпарту пшаніцы, і 55% усіх яе паставак туды ажыццяўляецца з Украіны. Пры гэтым праблемы з пастаўкамі ежы былі ў свой час сярод рухавікоў падзей Арабскай вясны, і ЕС пастаянна турбуе магчымасць новай нестабільнасці ў тым рэгіёне.

І нават у ЕС перабоі з харчовымі пастаўкамі з Украіны выклічуць кароткатэрміновы шок. Вайна ў асноўным паўплывае на аптовых імпарцёраў і вытворцаў ежы, якія ўжо вымушаныя падціснуцца ў сувязі з высокімі цэнамі на энергарэсурсы і жорсткімі экалагічнымі патрабаваннямі ад еўрапейскіх рэгулятараў. У дадатак, кукурузу з Украіны шырока выкарыстоўваюць у кармавых мэтах, і яе недахоп можа сур’ёзна пашкодзіць вытворчасці мяса і малака ў ЕС. Напрыклад, самы вялікі імпарцёр кукурузы ў ЕС — Іспанія, таму канфлікт ва Украіне паўплывае не толькі на цану багетаў у Парыжы, але і на якасць іспанскага хамону.

У 2021 годзе Украіна сабрала рэкордны за ўсю гісторыю краіны ўраджай зерневых: 106 мільёнаў тон. Рэкорд дасягнуты дзякуючы росту ўраджайнасці, якая вырасла проці мінулага года на 18 працэнтаў. Пра гэта паведаміла Міністэрства аграпалітыкі Украіны. Гэта ў два разы больш, чым Украіна збірала ў самыя ўдалыя гады ў савецкі час, да 1991 года.

Каментары

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

Былая палітзняволеная: Мая сям'я патраціла за два гады $10 тысяч на адвакатаў і перадачы для мяне1

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →