З незвычайнай знаходкай прыйшоў з лесу грыбнік з Гродна. У лесе ён знайшоў пісталет сістэмы «Маўзэр», пра што паведаміў у міліцыю.
Каб вызначыць, ці з'яўляецца выяўлены прадмет агнястрэльнай зброяй, а таксама яго прыдатнасць для стральбы, супрацоўнікі міліцыі прызначылі судовую балістычную экспертызу ў Гродзенскім міжраённым аддзеле Дзяржкамітэта судовых экспертыз.
Пацвердзілася, што пісталет зроблены на заводзе і з'яўляецца агнястрэльнай зброяй: 7,65-мм пісталет «Маўзер мадэлі 1934».
«Пісталет паступіў на даследаванне ў прыдатным для стральбы стане», — адзначылі судэксперты.
Каментары