Сын супрацоўніцы КДБ, вучыўся ў 20-й школе. Што вядома пра сілавіка, які загінуў у перастрэлцы на Якубоўскага?
Сёння апублічылі асобу супрацоўніка КДБ, які загінуў падчас штурму кватэры айцішніка Зельцэра. Зроблена гэта было ў дзень пахавання сілавіка. Да гэтага афіцыйна паведамлялася толькі імя мужчыны — Дзмітрый і яго пазыўны — «Нірвана».
Загінулага супрацоўніка завуць Дзмітрый Федасюк. Яму быў 31 год. Федасюк — ураджэнец Мінска, вучыўся ў звычайнай школе нумар 20.
Жанаты, мае 4-гадовае дзіця. Паведамляюць, што яго маці — кіраўнік аднаго з падраздзяленняў цэнтральнага апарата КДБ.
Федасюк служыў у падраздзяленні «Альфа» КДБ. Займаўся тайскім боксам, удзельнічаў у экстрэмальных спаборніцтвах «Bison Race». У яго сацсетках амаль выключна рэпосты, прысвечаныя зброі і спорту.
У пачатку 2020 года Федасюк разам з іншымі беларускімі спецслужбістамі наведваў Дубай. Там праходзілі спаборніцтвы спецназаўцаў з розных краін свету.
«Альфа», дзе служыў Федасюк, тады заняла 12 месца, беларускі АМАП — 13 ( з беларускіх ССА найлепшы вынік паказаў САХР — трэцяе месца).
Як ужо паведамлялася, пазыўны Федасюка — «Нірвана».
Пра смерць сілавіка выказаліся чыноўнікі, былыя і дзеючыя сілавікі і нават сам Лукашэнка. Але на пахаванне кадэбэшніка Лукашэнка не прыехаў — проста даслаў вянок.
Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной31
Каментары