Ветэрынарная клініка SAS Animal servis распавяла, што за апошні тыдзень яны адзначылі некалькі аднатыпных выпадкаў захворвання жывёл, пры якіх ветэрынары не змаглі дапамагчы.
Ілюстрацыйнае фота
Як піша «Сіцідог», усё пачынаецца аднатыпна:
— пасля прагулкі ў сабакі назіраюць адна-двухразовыя ваніты травой і рэшткамі ежы;
— сабакі рэзка адмаўляюцца ад корму, што працягваецца і на другі дзень;
— жывёла становіцца апатычнай, пры гэтым п'е ваду;
— у першы дзень пасля ванітаў кал застаецца сфармаваным. ⠀
«Настойліва рэкамендуем на прагулцы надзяваць жывёлам глухі наморднік, які выключыць паглынанне травы і іншых прадметаў. Пры з'яўленні ванітаў з прысутнасцю травы і апатыі, адмовы ад ежы больш за 12 гадзін, тэрмінова звяртацца да дактароў», — пішуць ветэрынары.
Каментары