Як паведамілі рэгіянальнаму выданню «Рагачоў Анлайн», у чацвер 10 чэрвеня прыкладна ў дзесяць гадзін вечара да іх з кулявым раненнем у галаву, у вобласць скроні, паступіла дзіця 2009 года нараджэння. Як паведамілі медыкі, хлопца давялося шпіталізаваць, і паведаміць аб інцыдэнце ў праваахоўныя органы.
Як атрымалася высветліць супрацоўнікам міліцыі, вечарам у чацвер на тэрыторыі аднаго з прыватных домаўладанняў жыхары аграгарадка Зарэчча вырашылі ў якасці забавы пастраляць па мішэнях з пнеўматычнай вінтоўкі.
На некаторы час «стралкі» адлучыліся, пакінуўшы зброю і шаснаццацігадовага падлетка без нагляду. Той вырашыў скарыстацца момантам, і зрабіў некалькі стрэлаў.
На жаль, за дваццаць метраў ад месца праходзіў 12-гадовы хлапчук, якому куля трапіла ў скроневую частку галавы.
Цяпер здароўю пацярпелага нічога не пагражае, ён знаходзіцца пад наглядам медыкаў хірургічнага аддзялення Рагачоўскай ЦРБ.
Памятаеце правакатара і даносчыка Яўгена Какойту? Ён цяпер таксама палітвязень13
Каментары