Па БТ назвалі імя затрыманага з «выбуховымі прыстасаваннямі» і паставілі запіс размовы з Карач
Тэлеканал «Беларусь-1» паказаў сюжэт пра сённяшняе затрыманне 35-гадовага жыхара Пінска, які, паводле МУС, збіраўся ўзарваць два выбуховыя прыстасаванні.
У сюжэце назвалі яго імя — Вячаслаў Маляйчук.
Паўтарылі і сцвярджэнне аб датычнасці да меркаваных выбухаў «Байпола».
Таксама ў эфіры прагучаў запіс размовы з Вольгай Карач, якую назвалі «адной з прадстаўніц беларускай апазіцыі, якая працуе разам са Святланай Ціханоўскай у Польшы».
«Рабяты, наш пратэст мірны. Тое, што будзе за дужкамі мірнага пратэсту, вас не тычыцца. Паверце, міліцыі будзе чым займацца», — кажа голас, які, як сцвярджаецца ў сюжэце, належыць Вользе Карач.
Каментары