Сітуацыя з COVID-19 у Беларусі стабілізавалася, паведаміў сёння журналістам міністр аховы здароўя Беларусі Дзмітрый Піневіч на брыфінгу з кіраўніком Расспажыўнагляда Ганнай Паповай, перадае БелТА.
«Мы канстатуем стабілізацыю эпідпрацэсу ў Беларусі і Расіі. Зразумела, што Беларусь значна меншая краіна, але ва ўсіх рэгіёнах краіны эпідпрацэс паказвае меншую інтэнсіўнасць», — сказаў Дзмітрый Піневіч.
Па яго словах, сёння на сустрэчы ў беларускім урадзе абмяркоўвалася ўзаемадзеянне з Расіяй у плане вакцын супраць каранавіруса. Гаворка ідзе не толькі пра «Спадарожнік V», але і пра іншыя расійскія распрацоўкі.
Акрамя таго, абмяркоўвалася ўзаемадзеянне Беларусі і Расіі пры перасячэнні мяжы з выкарыстаннем праграмы «Падарожнічаю без COVID-19», а таксама ўзаемадзеянне дзвюх краін на пляцоўцы СААЗ і ў іншых міжнародных структурах.
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці15
Каментары