Качанава: Лукашэнка пачуў меркаванне працоўных калектываў і даручыў разабрацца па ўсіх фактах затрыманняў
Старшыня Савета Рэспублікі Наталля Качанава звярнулася да беларусаў. Яна заявіла, што Лукашэнка пачуў меркаванне працоўных і даручыў разабрацца па ўсіх фактах затрыманняў. У вячэрнім эфіры тэлеканала «Беларусь 1» яна заявіла, што народ зрабіў свой выбар на выбарах прэзідэнта, і трэба спыніць самазнішчэнне, паведамляе Tut.by.
«Дарагія беларусы! Менш за тыдзень таму адбыліся выбары прэзідэнта Рэспублікі Беларусь. Народ зрабіў свой выбар. Але ўсё, што пачало адбывацца далей — з'яўляецца беспрэцэдэнтнай спробай разбурыць тое, чым мы заўсёды ганарыліся, — наша мірнае жыццё, - і падзяліць грамадства. У нас не павінна быць канфрантацыі.
Прэзідэнт пачуў меркаванне працоўных калектываў і даручыў разабрацца па ўсіх фактах затрыманняў, якія адбыліся ў апошнія дні.
Зараз ідзе інтэнсіўная праца ў гэтым кірунку, ужо на вечар сённяшняга дня выпушчаныя больш за тысячу чалавек пад абавязацельства аб няўдзеле ў несанкцыянаваных мерапрыемствах, а непаўналетнія — перададзены пад распіску бацькам.
Відавочна, што ўсім нам не патрэбна бойка, не патрэбна вайна. Мінск заўсёды быў ціхім і спакойным. Давайце спынім самазнішчэнне. Мы не павінны разбураць уласнымі рукамі ўсё, што стварылі за гады незалежнасці нашай краіны. Нам трэба захаваць мір і спакой для нас і нашых дзяцей.
Ад імя дэпутацкага корпуса Беларусі я заклікаю ўсіх спыніцца. Будзем разумнымі», — заявіла кіраўнік Савета Рэспублікі Наталля Качанава.
Нагадаем, з дня выбараў у Беларусі ідуць акцыі пратэстаў, якія перыядычна перарастаюць у сутычкі з сілавікамі. З 9 жніўня былі затрыманыя больш за 6,7 тысячы чалавек. Некаторых ужо сталі адпускаць: мінулай ноччу з ЦІП на Акрэсціна адпусцілі больш за 100 чалавек, пачынаюць выпускаць людзей з ІЧУ ў Жодзіна. Мяркуючы па ўсім, вызваляць сталі тых, у каго скончыліся 72 гадзіны з моманту затрымання — у гэтым выпадку, калі не было суда, іх павінны адпусціць.
13 жніўня на акцыі салідарнасці сталі выходзіць супрацоўнікі буйных прадпрыемстваў.
Паўлу Вабішчэвічу, якога абвінавацілі нібыта ў спробе падрыву пасажырскага цягніка, далі 23 гады калоніі2
Каментары