Выбары-20205151

Нацбанк увёў у Белгазпрамбанку часовую адміністрацыю на чале з Ермаковай

Пра гэта паведамляецца ў прэс-рэлізе Нацбанка.

«У мэтах абароны інтарэсаў ўкладчыкаў і крэдытораў адкрытага акцыянернага таварыства «Белгазпрамбанк» (ААТ ˮБелгазпрамбанк»), недапушчэння пагаршэння яго фінансавага стану пастановай праўлення Нацбанка ад 14 чэрвеня прынята рашэнне аб увядзенні з 15 чэрвеня часовай адміністрацыі па кіраванні банкам», — гаворыцца ў прэс-рэлізе.

Такая мера прынята на падставе артыкулаў 94, 97, 134, 134-1 Банкаўскага кодэкса Беларусі з улікам інфармацыі Камітэта дзяржаўнага кантролю аб завядзенні Дэпартаментам фінансавых расследаванняў у дачыненні да службовых асоб ААТ «Белгазпрамбанк» крымінальных спраў па частцы 3 артыкула 235 «Легалізацыя («адмыванне») сродкаў, атрыманых злачынным шляхам» і частцы 2 артыкула 243 «Ухіленне ад выплаты сум падаткаў (збораў)» Крымінальнага кодэкса Беларусі.

Кiраўнiком часовай адміністрацыі па кіраванні ААТ ˮБелгазпрамбанк» прызначаная Надзея Ермакова, якая ўзначальвала Нацбанк у 2011-2014 гадах і пакінула пасаду, не здолеўшы даць рады валютнаму крызісу.

Паўнамоцтвы праўлення ААТ ˮБелгазпрамбанк» на перыяд дзеяння часовай адміністрацыі па кіраванні банкам прыпыненыя.

Нагадаем, што Белгазпрамбанк з 2000 па май 2020 год узначальваў Віктар Бабарыка, які кінуў выклік Лукашэнку на выбарах 2020 года. 12 мая Бабарыка пакінуў пасаду кіраўніка банка. В.а. стаў Кірыл Бадзей.

11-13 чэрвеня сілавікі абшукалі галаўны офіс Белгазпрамбанка і яго рэгіянальную сетку. У выніку затрыманыя 15 чалавек, у тым ліку намеснікі старшыні праўлення банка.

Больш за 99% акцый Белгазпрамбанка належаць расійскім кампаніям: Газпраму і Газпрамбанку. У пятніцу Газпрам назваў дзеянні Беларусі ў дачыненні Белгазпрамбанка незаконнымі. Віктар Бабарыка назваў падзеі рэйдарскім захопам.

Ператрусы ў Белгазпромбанку, менеджарам якога доўгі час быў Віктар Бабарыка, і ў кампаніях сяброў Бабарыкі, адбыліся 11 чэрвеня. Ні пра якія прэтэнзіі да гэтых кампаній не было вядома, пакуль гэты банкір і мецэнат не заявіў пра свае прэзідэнцкія амбіцыі. Ён сышоў у адстаўку з банка ў дзень, калі заявіў пра свой намер балатавацца.

Сам Бабарыка назваў дзеянні сілавікоў і заявы Лукашэнкі ціскам на сябе.

«Уся мая дзейнасць, якая праходзіла на пасадзе кіраўніка Белгазпрамбанка цягам 20 гадоў, не выклікала заўваг з боку праваахоўных органаў, — сказаў ён 11 чэрвеня. — Мы праходзілі ўсе праверкі, у тым ліку Нацбанка. Апошняя — у студзені. Ні разу пытанняў не было. Дзеянні сённяшняга дня носяць замоўны характар», — сказаў ён.

Ён заклікаў праваахоўныя органы трымацца законнасці.

«Я чакаў ціску на мяне, і была інфармацыя, што ўдар будзе па мне. Але тое, што адбылося, паказвае, што супраць мяне нічога няма. Я гатовы да гэтага», — кажа Бабарыка.

«Увесь цынізм такіх дзеянняў у тым, што яны накіраваныя не на мяне, а накіраваныя на маіх сяброў і людзей, з якімі я працаваў, — адзначыў прэтэндэнт на пасаду прэзідэнта ў сваім звароце. — Чаму гэта зроблена? Бо прамога кампрамату на мяне няма і ў іх ёсць вялікая надзея, што людзей запалохаюць, прымусяць казаць няпраўду і агаворваць другіх людзей.

Я магу з дакладнасцю заявіць, што адзінымі правільнымі паводзінамі і адказам у гэтай сітуацыі, адказам на гэтае бязмежжа з'яўляецца працяг нашай барацьбы.

Я хачу звярнуцца да ўсіх тых, хто ўжо падвергся допытам, пераследам і выклікам ва ўпаўнаважаныя органы.

Не бойцеся казаць праўду. Не кажыце хлусню, не агаворвайце сябе і іншых людзей. Калі трэба, я спадзяюся, што сумленныя людзі заўсёды акажуць вам дапамогу — як юрыдычную, так і матэрыяльную», — заявіў Бабарыка.

Атакі на Бабарыку абвастрылі танальнасць яго выступаў.

«Самая вялікая памылка ў гэтых дзеяннях улады ў тым, што той Беларусі, якая была раней і якую яны папіхалі як свой статак, больш не існуе. Беларусь прачнулася. І я хачу сказаць, што новая Беларусь змяце рэшткі гэтага старога рэжыму», — сказаў ён у відэазвароце. 

Пераслед калег Віктара Бабарыкі пачаўся, калі стала вядома, што яго ініцыятыўная група сабрала рэкордную для альтэрнатыўнага кандыдата колькасць подпісаў — 335 001 па стане на сёння.

Раней максімум — 217 тысяч — сабраў у 1994-м, яшчэ на свабодных выбарах, Зянон Пазняк. У Аляксандра Мілінкевіча ў 2006-м было 198 тысяч. У Сямёна Домаша ў 2001-м — 164 тысячы.

Таксама і шэраг апытанняў паказаў, што менавіта Віктар Бабарыка мог бы стаць фаварытам сумленных выбараў. 

Бабарыка спрабуе выбудаваць шырокую антылукашэнкаўскую кааліцыю з удзелам самых розных сілаў. Яго кандыдатуру падтрымала таксама нобелеўская лаўрэатка Святлана Алексіевіч.

Каментары51

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Чарга легкавых аўто на ўезд у Польшчу з Беларусі павялічылася ў чатыры разы5

Юрый Чыж пайшоў у расійскі суд, каб пазмагацца за свой малаказавод у Геленджыку

Як трансгендар абваліў продажы самага папулярнага амерыканскага піва15

Ілан Маск жорстка высмеяў Microsoft за глабальны IT-збой5

Святлана Ціханоўская сустрэлася з Віктарам Орбанам23

Не рабіце гэтую памылку ў захоўванні хлеба5

Назіраецца маштабны збой электронікі па ўсім свеце. Аэрапорты адмяняюць палёты13

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

За два з паловай гады на мяжы Беларусі і ЕС загінулі 126 мігрантаў2

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →