Аляксандр Лукашэнка робіць 12 чэрвеня рабочую паездку ў Полацк, дзе планавалася абмяркоўваць рэформы ў ЖКГ, але ў часе размовы з чыноўнікамі ён закрануў і тэму выбараў. Фрагмент яго выступу паказалі падчас выпуску навін на «Беларусь-1», піша Tut.by.
— Я каліcьці, сустракаючыся з кіраўніком сваёй ініцыятыўнай групы [кіраўніком Федэрацыі прафсаюзаў Міхаілам Ордам], папрасіў працягваць збор подпісаў, хоць іх там ужо паўтара мільёна сабрана. Дзякуй людзям, якія падпісаліся, — сказаў Лукашэнка.
Паводле яго слоў, працяг збору подпісаў звязаны не з тым, што подпісаў не хапае, а з тым, што дзякуючы гэтаму ўлады атрымліваюць «велізарны масіў інфармацыі знізу — пра тое, што там адбываецца».
— Уся яна аналізуецца, і асноўныя пытанні, якія хвалююць людзей, выкрышталізоўваюцца — і на стол прэзідэнту, — дадаў ён.
Лукашэнка адзначыў, што ў перадвыбарчы перыяд любая заява, дзеянне, крокі прэзідэнта цяпер разглядаюцца «альтэрнатыўшчыкамі» пад павелічальным шклом, усюды шукаюць падводныя камяні.
Аўтаслесар, афіцыянт, танцор у Тайландзе, ролі ў «Мухтары» і «Сватах». Пяць фактаў пра новага міністра культуры Чарнецкага13
Каментары