Пракуратура: Выявілі, што некаторыя бюджэтнікі ў працоўны час чыталі сайты з навінамі
На сайце адміністрацыі Савецкага раёна Мінска з'явілася паведамленне, у якім гаворыцца, што не ўсе работнікі ведаюць, што выкарыстанне інтэрнэту на працоўным месцы з працоўнага камп'ютара павінна быць строга ў працоўных мэтах.
«Ёсць выпадкі, калі работнікі замест выканання сваіх непасрэдных абавязкаў, за якія яны атрымліваюць заработную плату, марнуюць свой працоўны час і сродкі наймальніка на выкарыстанне сеткі інтэрнэт для «сёрфінгу» па сайтах, перапісак у сацыяльных сетках, праверак асабістай пошты і іншага, — гаворыцца ў паведамленні.
— Так, пракуратурай Савецкага раёна горада Мінска ў ходзе праверкі адной з устаноў адукацыі сталіцы ўстаноўлена, што некаторыя работнікі выкарыстоўваюць прадстаўлены ім доступ у сетку інтэрнэт для прагляду мастацкіх фільмаў, чытання навін на вядомых беларускіх парталах, прагляду тавараў у інтэрнэт-крамах, пошуку інфармацыі ў асабістых мэтах, што з'яўляецца парушэннем».
Адзначаецца, што «нешматлікія ведаюць, што работнікі, якія з'яўляюцца службовымі асобамі, а таксама асобы, прыраўнаваныя да дзяржаўных службовых асоб, пры выкананні сваіх службовых абавязкаў, у мэтах атрымання выгады, якія выкарыстоўваюць у асабістых мэтах бясплатна інтэрнэт, які цалкам аплачваецца наймальнікам, здзяйсняюць карупцыйнае правапарушэнне, прадугледжанае абз. 5 ч. 1 арт. 37 Закона Рэспублікі Беларусь ад 15.07.2015 № 305-З «Аб барацьбе з карупцыяй»».
Наймальнік можа пазбавіць цалкам або часткова дадатковых выплат работніка на тэрмін да 12 месяцаў, ажно да звальнення.
Беларуская блогерка працавала на расійскай апазіцыйнай фабрыцы ботаў, а пасля зліла дакументы?43
Каментары