Грамадства

Глыбоцкага журналіста Змітра Лупача выпісалі з рэанімацыі. Але ў панядзелак яго зноў адправяць «на суткі»

Змітра Лупача выпісалі з рэанімацыйнага аддзялення Глыбоцкай раённай бальніцы. Ён трапіў туды пасля судовага працэсу, які адбыўся над ім 11 мая. У журналіста дыягнаставалі хваробу сэрца. Тым не менш яго ў панядзелак адправяць адбываць арышт, паведамляе БАЖ. 

Паводле Змітра, у рэанімацыі лекары назіралі за станам яго здароўя, каб не здарыўся інфаркт. За гэты час зрабілі абследаванне і выявілі захворванне сэрца.

У адрозненне ад умоў у ізалятары часовага ўтрымання, дзе не было магчымасці нармальна высыпацца, у лякарні наадварот давялося толькі ляжаць, — кажа журналіст.

У медустанове супрацоўнікі міліцыі Змітра Лупача не ахоўвалі, толькі суправаджалі машыну хуткай дапамогі 11 траўня і былі з ім у прыёмным пакоі. Пасля выпіскі з лякарні журналіст свабодна з жонкай дайшоў дадому. А потым прыехаў маёр міліцыі Сяргей Цырбан і ўручыў судовую пастанову.

У дакуменце паведамляецца, што суд улічыў заяву, якую Лупач напісаў перад ад’ездам у лякарню з будынка суда, калі адчуў сябе дрэнна пасля судовага слухання. Зміцер прасіў у сувязі з пагаршэннем стану здароўя адтэрмінаваць выкананне пакарання.

Яму зрабілі адтэрміноўку да 18 мая. Журналіст напісаў міліцыянтам распіску, што сам з’явіцца ў пастарунак у панядзелак і адбудзе прызначанае яму пакаранне — 10 сутак арышту.

«Медыкі параілі знайсці спакайнейшую працу. Але дзе яе ў Глыбокім знойдзеш, хіба што вартаўніком, і тое невядома, ці спакойная гэта праца», — сумна жартуе Зміцер.

Нагадаем, 11 мая суддзя Глыбоцкага раённага суда Дзмітрый Тарасевіч прызнаў Змітра Лупача вінаватым у парушэнні двух артыкулаў Адміністрацыйнага кодэкса. За сюжэт на тэлеканале «Белсат» пра дрэнны рамонт Глыбоцкага фізкультурна-аздараўленчага комплекса суддзя вынес штраф у памеры 45 базавых велічынь паводле ч. 2 арт. 22.9 КаАП (незаконны выраб і распаўсюд прадукцыі СМІ). А за сустрэчу з блогерам Сяргеем Ціханоўскім журналіста абвінавацілі ва ўдзеле ў несанкцыянаваным масавым мерапрыемстве і пакаралі арыштам на 10 сутак.

Каментары

Што вядома пра грамадзяніна Германіі Рыка Крыгера, якому ў Беларусі прысудзілі расстрэл16

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Як трансгендар абваліў продажы самага папулярнага амерыканскага піва14

Ілан Маск жорстка высмеяў Microsoft за глабальны IT-збой5

Святлана Ціханоўская сустрэлася з Віктарам Орбанам20

Не рабіце гэтую памылку ў захоўванні хлеба4

Назіраецца маштабны збой электронікі па ўсім свеце. Аэрапорты адмяняюць палёты12

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

За два з паловай гады на мяжы Беларусі і ЕС загінулі 126 мігрантаў2

Хутка суд над мужчынам з «тэрарыстычнага спісу». Верагодна, справа тычыцца каментароў, але яму пагражае да 12 гадоў

Ігар Случак напісаў рэзкі каментар пра рускамоўных беларусаў. Не вытрымаў нават Пазняк114

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл16

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →