Нерухомасць1717

Мінгарвыканкам паказаў, як цяпер выглядаюць станцыі трэцяй лініі метро ФОТЫ

Да запуску трэцяй лініі метро ў Мінску застаецца менш як два месяцы, на станцыях вядуцца аддзелачныя работы. У Telegram-канале Мінгарвыканкама «Мінск. Афіцыйна» паказалі, як яны выглядаюць на бягучым этапе будаўніцтва.

На «Кавальскай Слабадзе» пасля завяршэння аддзелачных работ спецыялісты займаюцца мастацкім афармленнем і наладкай сістэм бяспекі, відэанагляду.

Інтэр'ер станцыі выкананы ў цёмна-карычневых тонах з адценнем бронзы, столь — светлага пясочнага колеру. У вестыбюлі і над платформай установяць дэкаратыўныя каваныя разеткі. Іх размесцяць асіметрычна восі станцыі. Граніт на платформе таксама выкладзены ў стылі асіметрыі. Гэта галоўнае адрозненне «Кавальскай Слабады» ад астатніх станцый, дзе прытрымліваліся сіметрыі.

Асновай афармлення і дэкору станцыі «Вакзальная» стала тэма падарожжаў. На платформе ўжо сабралі скульптуру «Дрэва дарог», чакаецца яшчэ афарбоўка.

Асноўныя колеры - чорны і белы. У аздабленні вестыбюля выкарысталі шмат шкла. Цяпер пачалі ўстаноўку свяцільняў. Навінка станцыі - травалатары ў двух пераходах, якія злучаюць «Вакзальную» са станцыяй «Плошча Леніна». Тут устанавілі чатыры дарожкі па 50 м, а ў напрамку назад - тры па 180 м. У пасажыраў будзе выбар - пераадолець гэту адлегласць пешшу альбо з дапамогай травалатара.

На станцыі «Юбілейная плошча» таксама праходзяць аддзелачныя работы. Сцены пафарбаваны ў чырвоны колер, лёгкасці платформе надае белая падвесная столь. Засталося абліцаваць калоны — яны будуць бэжавага колеру. У пешаходных пераходах, якія звяжуць станцыю з «Фрунзенскай», таксама ўстановяць травалатары, але ўжо не такія вялікія, як на «Вакзальнай». Адзін даўжынёй 24 м, а другі - 45 м. Асобных уваходаў на станцыю не прадугледжана. Трапіць на яе можна будзе праз «Фрунзенскую».

Галоўная асаблівасць станцыі «Плошча Францішка Багушэвіча» ў тым, што тут наогул няма лесвіц. Трапіць з падземнага пераходу на платформу пасажыры змогуць толькі па эскалатарах. Дарэчы, яны беларускай вытворчасці, выпускаюцца ў Салігорску. Сцены на станцыі шакаладнага колеру, абліцоўка калон малочнага адцення. Вентшахты ўпрыгожаць скульптурамі «Ткацкі станок» і «Кніга беларуская» з цытатамі Францішка Багушэвіча.

«Асаблівасць 3-й лініі метро — гэта ахоўныя экраны з аўтаматычнымі дзвярамі. Яны будуць адкрывацца адначасова з дзвярамі поезда, які прыбывае», — звярнулі ўвагу ў Мінгарвыканкаме.

Каментары17

Апакаліпсіс у Мазыры. Шторм накрыў Гомельшчыну1

Апакаліпсіс у Мазыры. Шторм накрыў Гомельшчыну

Усе навіны →
Усе навіны

Аўстрыйскі палітолаг спрагназаваў, што пачатку вайны Расіі з НАТА можа папярэднічаць паўстанне палякаў у Беларусі. А чаму не бунт рэптылоідаў?10

«Мае аксэсуары прыносяць поспех, упэўненасць у сабе і грошы». Спявачка Галіна Шышкова стала дызайнеркай5

«Аказваецца, і на тым баку ёсць людзі». Маці Івана Падрэза ўсё ж не высяляюць6

Па Мсціслаўскім раёне пранёсся моцны ўраган

У Беларусі ўжо +37,5°С. У сервісе дастаўкі прадуктаў знікла папулярная мінеральная вада1

51 нобелеўскі лаўрэат заклікаў неадкладна спыніць вайну ва Украіне і канфлікт у сектары Газа13

У гонар беларускага байца назвалі вуліцу ва ўкраінскім Канатопе1

Буданаў пра пагрозу наступу РФ з поўначы: Катастрофы няма, але не бачыць праблем не атрымаецца2

Заўтра ў Беларусі будзе да +35°С, але ў Мінску «ўсяго» +30°С3

больш чытаных навін
больш лайканых навін

Апакаліпсіс у Мазыры. Шторм накрыў Гомельшчыну1

Апакаліпсіс у Мазыры. Шторм накрыў Гомельшчыну

Галоўнае
Усе навіны →