Адам Войцех, ČTK
Некантраляваны распаўсюд COVID-19 у Чэхіі спынены, і ўлады могуць пачынаць падрыхтоўку да паступовага вяртання да нармальнага жыцця. Пра гэта ў сераду, 8 красавіка, заявіў міністр аховы здароўя Адам Войцех, паведамляе «Радыё Свабода».
Паводле аналізу міністэрства, да канца красавіка колькасць пацыентаў з каранавірусам у краіне дасягне 10600 чалавек. Пры гэтым два тыдні таму міністэрства прагназавала лік у 14000 чалавек. Гэта азначае, што прынятыя меры далі эфект.
«Навіны пазітыўныя. Чэшская Рэспубліка прадухіліла горшы сцэнар, які адбыўся, напрыклад, у Італіі, Гішпаніі ці ЗША. Нам удалося спыніць некантраляваны распаўсюд захворвання і абараніць сваю сістэму аховы здароўя ад перагрузкі. Цяпер мы можам рыхтавацца да паступовага вяртання да нармальнага жыцця», — сказаў Войцех.
Паводле яго слоў, распрацоўка адпаведнага плана ўжо пачалася. На думку міністра, хуткага вяртання да ранейшага жыцця не будзе. Насіць маскі і і захоўваць сацыяльную дыстанцыю ў два метры, давядзецца яшчэ некалькі тыдняў або і месяц.
«Мы не павінны дапусціць, каб усё, чаго мы дамагліся за гэты час, адправілася ў сметнік. Не можам дапусціць прыходу другой хвалі эпідэміі», — дадаў Войцех.
Чэхі была адной з першых у Еўропе, якая абвясціла надзвычайнае становішча ў сакавіку, устанавіўшы строгія абмежаванні, каб прадухіліць распаўсюд каранавіруса.
«Я сам усё рабіў правільна». Сын дыякана папрасіў пазбавіць візы дачку генерала — і трапіў у турму за палітыку2
Каментары