Украінскі журналіст параўнаў, як прымалі дэлегацыю ў Парыжы і Мінску: У Лукашэнкі — прыгажосць, у Парыжы нейкая гразь
Папулярны ўкраінскі журналіст Дзмітрый Гардон, які наведаў Парыж падчас саміту «нармандскага фармату» 9 снежня 2019 года, паскардзіўся на арганізацыю самога мерапрыемства і расказаў, чаму застаўся расчараваны знешнім выглядам сталіцы Францыі.
Гардон удакладніў, што ў Парыжы адбываецца «сапраўдны кашмар». Ён быў абураны, што ў еўрапейскай сталіцы «амаль не засталося французаў». Яго жахнулі заторы на дарогах і гразь на вуліцах. Ён паскардзіўся, што ў цэнтры Парыжа а 18:00 няма дзе перакусіць, усё закрыта. Акрамя таго, журналіст быў абураны арганізацыяй саміту, назваўшы яе агіднай.
— Я прысутнічаў на сустрэчы ў Мінску, калі сустракаліся Парашэнка, Пуцін, Аланд і Меркель. Прымаў прэзідэнт Беларусі Аляксандр Лукашэнка ў сваім надзвычайным прэзідэнцкім палацы. Вось гэта была арганізацыя, вось гэта была прыгажосць, вось гэта была ўвага, павага да членаў дэлегацыі, да журналістаў, да тых, хто суправаджаў. У Парыжы быў поўны хаос і лянота нейкая, гультайства. Елісейскі палац, вакол гразь, нейкая кладка, нейкая будоўля, усе запушчанае, затхлае, — растлумачыў Гардон.
Каментары