Ілюстрацыйнае фота Dmitry Niko, Shutterstock.com.
Як стала вядома «Нашай Ніве», сёння мінскае хакейнае «Дынама» выправілася ў храм Усіх Святых.
Злыя языкі сцвярджаюць, што такое на іх памяці ўпершыню. Гэта выглядае як спроба радыкальна вырашыць праблему доўгай серыі паразаў — на сёння «Дынама» з 18 баламі і 11 паразамі запар займае перадапошняе месца ў турнірнай табліцы КХЛ.
Што каманда рабіла ў храме?
У прэс-службе «Дынама» адказваць на гэтае пытанне адмовіліся.
«Наша Ніва» таксама звярнулася па каментарый у храм-помнік.
Работнікі адказалі нам, што хакеісты спускаліся ў крыпту царквы, а мерапрыемства, маўляў, было запланаванае даўно.
На нашае пытанне, дык ці паставілі яны хаця б свечкі, нам адказалі, што «паставілі, пры чым першыя праявілі ініцыятыву».
Каментары