Бацька ўкраінскага чэмпіёна свету па футболе загінуў, ратуючы людзей на Данбасе. Пранізлівая гісторыя
Украінскі футбаліст Кірыл Дрышлюк нарадзіўся ў вайсковай сям'і. Дзед Вячаслаў Дрышлюк служыў у складзе савецкай арміі ў Венгрыі, бацька Павел Дрышлюк — пайшоў у авіяцыю, служыў у Барыспалі, піша Трыбуна.
З пачатку баявых дзеянняў на ўсходзе Украіны капітан Дрышлюк увайшоў у склад экіпажа самалёта АН-30 як бартавы тэхнік. 22 красавіка 2014 га самалёт трапіў пад абстрэл над Славянскам [горад абласнога значэння ў Данецкай вобласці], але не атрымаў сур'ёзных пашкоджанняў і прызямліўся ў Барыспалі.
6 чэрвеня экіпаж Дрышлюка зноў трапіў пад абстрэл з ПЗРК. Самалёт страціў вышыню і пачаў падаць над жылымі раёнамі. Камандзір экіпажа Канстанцін Магілка аддаў загад усім, акрамя экіпажа, пакінуць борт. Сам разам з Дрышлюком і другім бортмеханікам Аляксеем Патапенка застаўся — трэба было адвесці пагрозу ад людзей унізе.
Амаль адразу ж загінуў аператар фотаздымкі Сяргей Камінскі — камандзір загадаў скінуць яго цела на парашуце. Яшчэ траіх чалавек выратаваў Дрышлюк — ён дапамагаў здымаць бронекамізэлькі і надзець парашуты. Скакаць даводзілася з 800-метровай вышыні. Хуткасць падзення была велізарнай — людзей даводзілася літаральна адрываць і адштурхоўваць з самалёта.
У планах тых, хто засталіся на борце, было пасадзіць судна на бяспечнай тэрыторыі — дзе не было людзей. Але за некалькі дзясяткаў метраў да зямлі адвалілася крыло — выратавацца не ўдалося нікому. Самалёт быў цалкам разбураны.
Целы загінулых было складана ідэнтыфікаваць. Пасля экспертыз Патапенку і Магілку пахавалі яшчэ ў чэрвені. Цела Дрышлюка знайсці не ўдалося, ён доўгі час лічыўся зніклым без вестак. Толькі 6 студзеня 2015 года яго прызналі загінулым. Паўлу Дрышлюку было пасмяротна прысвоена званне маёра.
Сёння яго сын Кірыл Дрышлюк — асноўны паўабаронца зборнай Украіны U-20. Ён цалкам адыграў фінал чэмпіяната свету, пераможны для сваёй каманды.
Украіна выйграла моладзевы чэмпіянат свету па футболе
Каментары