Свет4141

«Спачатку будзе Суд»: Уладзімір Зяленскі рэзка адказаў Пуціну наконт яго апошніх ініцыятыў

УНІАН

Будучы прэзідэнт Украіны Уладзімір Зяленскі рэзка адказаў кіраўніку Расіі наконт яго апошніх ініцыятываў, у прыватнасці, наконт раздачы ўсім ахвотным украінцам расійскіх пашпартоў.

Свой адказ Уладзімір Зяленскі размясціў у сваім фэйсбуку.

«З нагоды заяў прэзідэнта РФ Уладзіміра Пуціна хачу адзначыць наступнае.

Па-першае, я б не раіў расійскім уладам марнаваць час, спрабуючы спакусіць грамадзян Украіны пашпартамі РФ. Магчыма, і знойдзецца той, хто да гэтага часу знаходзіцца пад уплывам прапаганды. Магчыма, хтосьці зробіць гэта дзеля заробку або хаваючыся ад крымінальных расследаванняў.

Мы нават можам даць Уладзіміру Пуціну спіс грамадзян Украіны, якім у найбліжэйшы час стане вельмі некамфортна ў краіне, якую яны цынічна рабавалі, злоўжываючы высокімі пасадамі. Хай Расія зноў вырашае, дзе больш за ўсё ёй патрэбныя такія «прафесіяналы» — у Растове або Магадане.

Але адрозненне Украіны, у прыватнасці, заключаецца ў тым, што мы, украінцы, маем у сваёй краіне свабоду слова, і свабодныя СМІ, і інтэрнэт. Таму мы цудоўна ведаем, што расійскі пашпарт дае на самай справе.

Гэта права быць арыштаваным за мірны пратэст.

Гэта права не мець свабодных і канкурэнтных выбараў.

Гэта права наогул забыцца пра наяўнасць натуральных правоў і свабодаў чалавека.

Таму не варта разлічваць, што многія ўкраінцы захочуць стаць «новай нафтай», на якую ўлады Расіі спрабуе ператварыць уласны народ.

Украінцы — гэта свабодныя людзі ў свабоднай краіне. Незалежнай, суверэннай і непадзельнай.

Грамадзянства Украіны — гэта свабода, годнасць і гонар. Гэта тое, што мы абаранілі, і будзем абараняць.

Украіна не адмовіцца ад сваёй місіі служыць прыкладам дэмакратыі для постсавецкіх краін. І часткай гэтай місіі будзе прадастаўленне абароны, прытулку і ўкраінскага грамадзянства ўсім, хто гатовы змагацца за свабоду. Мы будзем даваць прытулак і дапамогу ўсім — усім, хто гатовы змагацца бок аб бок з намі за нашу і вашу свабоду.

Мы будзем прадастаўляць ўкраінскае грамадзянства прадстаўнікам усіх народаў, якія пакутуюць ад аўтарытарных і карумпаваных рэжымаў. У першую чаргу — расейцам, якія сёння пакутуюць больш за ўсё.

Не варта размаўляць з Украінай і ўкраінцамі мовай пагроз, ваеннага і эканамічнага ціску. Гэта не самы лепшы шлях да спынення агню і здымання Мінскага працэсу.

Я яшчэ раз падкрэсліваю, што гатовы да перамоваў. Я спадзяюся, што на найбліжэйшай сустрэчы ў нармандскім фармаце Расія прадэманструе гатоўнасць да дээскалацыі. Канкрэтным пацвярджэннем гэтай гатоўнасці павінен стаць узаемны абмен нашымі грамадзянамі ў фармаце «ўсіх на ўсіх». Без выключэнняў.

З нашага боку мы гатовыя абмяркоўваць новыя ўмовы суіснавання Украіны і Расіі.

З разуменнем таго, што сапраўдная нармалізацыя адбудзецца толькі пасля поўнай дэакупацыі. Як Данбаса, так і Крыма. Украіна не здаецца! Ва ўсіх сэнсах гэтага слова.

Але я спадзяюся, што ў Расіі ўсё ж больш імкнуцца гаварыць, чым страляць.

Я сапраўды не Бог, каб мае жаданні выконваліся. Але я таксама памятаю, што ўсім чыноўнікам прыйдзе час даць сумленны адказ за свае ўчынкі менавіта перад Ім. Ніхто не патрапіць адразу ў Рай. Спачатку будзе Суд.

Зяленскі ў апошні час змяшчае свае звароты па-ўкраінску, але гэты адказ прадубляваў і па-расійску, «абы нас пачулі ўсе».

Каментары41

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Зніклага ў Польшчы беларуса знайшлі ў Варшаве збітым і без дакументаў9

«Вада пранікла ўнутр, запоўніла салон мне па пояс, рукі трэсліся». Хто тая дзяўчына з запамінальнага фота мінскага патопу3

У Беларусі пачалася перадвыбарчая агітацыя за Лукашэнку ФОТАФАКТ31

Сусветныя цэны на каву б'юць рэкорды. Кошт вашага латэ пад пагрозай5

Ватыкан прызначыў лідскага ксяндза Андрэя Зноска біскупам. Роўна год таму яго затрымлівалі сілавікі

Стала вядома, у чым падазраюць Рамашэўскую, Дзікавіцкага і іншых топ-менеджараў «Белсата»20

У Італіі журналістку аштрафавалі за жарты пра рост прэм'ер-міністра Мелоні — гэта палічылі бодышэймінгам1

Як беларусам ездзіць праз мяжу на аўто, зарэгістраваных у ЕС, калі беларускія нумары акажуцца пад поўнай забаронай4

«Не хочуць разумець, што гэта вайна!» Лукашэнка выказаў прэтэнзіі пацярпелым ад буры25

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →