Каханне і сэкс66

Мужчыны-блізняты адмовіліся прызнацца, хто з іх бацька дзіцяці. Плаціць аліменты будуць абодва

Суд у бразільскім штаце Гояс прысудзіў дваіх мужчын — ідэнтычных блізнят — да выплаты аліментаў на дзіця, бо ДНК-тэст на бацькоўства ў іх выпадку не даў выразнага выніку, піша Бі-бі-сі.

Адказнікі адмовіліся добраахвотна паведаміць, хто з іх дваіх з'яўляецца бацькам дзяўчынкі: такім чынам яны спадзяваліся пазбегнуць выплаты аліментаў на ўтрыманне дзіцяці.

Браты-блізняты — у матэрыялах суда іх імёны пазначаныя як Фернанда і Фабрыс, а прозвішча не раскрываецца згодна з патрабаваннямі закона — хадзілі на спатканні з жанчынамі па чарзе, выдаючы сябе адзін за аднаго. Таму маці дзяўчынкі не ведае, ад каго з іх дваіх яна зацяжарыла.

Суддзя заявіў, што, хаваючы праўду, адказнікі пазбавілі дзяўчынку права ведаць, хто з'яўляецца яе біялагічным бацькам. Суд пастанавіў упісаць у пасведчанне аб нараджэнні ў графу «бацька» імёны абодвух мужчын.

Кожны з блізнят будзе выплачваць на ўтрыманне дзіцяці 230 рэалаў (каля $60) штомесяц — гэтая сума складае 30% ад мінімальнага заробку ў Бразіліі.

Такім чынам, дзяўчынка будзе атрымліваць у два разы больш аліментаў.

«Адзін з адказчыкаў спрабаваў зламысна ўвесці суд у зман і схаваць факт свайго бацькоўства. Па законе такія гідкія паводзіны павінны быць пакараны», — гаворыцца ў пастанове суддзі.

У матэрыялах справы сцвярджаецца, што блізняты карысталіся сваім падабенствам, каб падманваць жанчын: хадзілі на спатканні, выдаючы сябе адзін за другога, каб кожны меў магчымасць мець як мага больш партнёрак.

Калі «сяброўкі» лавілі іх на здрадзе, браты таксама карысталіся сваім падабенствам як прыкрыццё, заяўляючы разгневаным жанчынам: «Гэта быў не я, гэта ён».

Каментары6

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных18

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →