Грамадства44

У разведку сапраўды набіраюць па абвестках: нечаканыя вакансіі Мінабароны

Кожны квартал Міністэрства абароны выкладвае актуальны спіс вакансій для салдат і сяржантаў для працягу службы па кантракце. 

«Наша Ніва» паглядзела, якая ж работа ва ўзброеных сілах прапаноўвалася станам на кастрычнік 2018 года.

Большасць спецыяльнасцяў даволі празаічная: гэта кіроўцы (не толькі службовых машын, але і баявой тэхнікі), механікі, электрыкі, тэлеграфісты, недзе (у Брэсцкую і Бабруйскую камендатуру) патрэбны нават музыканты. 

Ілюстрацыйнае фота

Ёсць і выключна ваенныя вакансіі, куды без адпаведнага досведу наўрад ці трапіш: наводчыкі, сапёры, стралкі-зенітчыкі, камандзіры аддзяленняў. 

Але мы звярнулі таксама ўвагу на тое, што па абвестцы на сайце Мінабароны набіраюць нават разведчыкаў! 

«Разведчык-назіральнік», напрыклад, патрабуецца ў штаб 15-й зенітнай ракетнай брыгады (в/ч 30151) ля Фаніпаля.

У патрабаваннях — «наяўнасць адпаведнай падрыхтоўкі». 

Проста «разведчык» патрэбны ў часць № 89417 ССА ў Мар'інай Горцы. 

Можна падумаць, што пад гэтай фармулёўкай хаваецца ўласна тое, чаму вучаць салдатаў, — разведцы і дыверсіям на мясцовасці. 

Разведчыкі сіл спецыяльных аперацый, фота: Міністэрства абароны

Такія ж разведчыкі патрабуюцца і ў брэсцкую часць ССА. 

«Разведчыка-назіральніка» шукаюць у часць, якая будзе займацца аховай Астравецкай АЭС. 

Таксама «разведчык» патрэбны ў 19-ю асобную мабільную брыгаду (в/ч №71327) у Заслонаве. 

Заробкі разведчыкаў і іншых спецыялістаў на сайце не пазначаныя. 

Варта адзначыць, што практыка набору разведчыкаў праз інтэрнэт не айчыннае ноу-хау. 

У прыватнасці, ізраільская спецслужба «Масад» набірае ахвотных супрацоўнічаць падобным чынам — раней яны давалі абвесткі ў газеты, а цяпер проста на іх сайце ёсць адпаведны раздзел з інструкцыямі і перасцярогамі для патэнцыйных агентаў.

Праўда, у выпадку «Масада» гаворка ідзе хутчэй пра дыстанцыйных пастаўшчыкоў інфармацыі, а не штатных разведчыкаў. 

Каментары4

Круты: Бог паслаў ураган, каб прэзідэнт парадаваўся, што створаная ім сістэма выстаяла22

Круты: Бог паслаў ураган, каб прэзідэнт парадаваўся, што створаная ім сістэма выстаяла

Усе навіны →
Усе навіны

У расійскім Краснадары людзі перакрылі вуліцу з-за адключэнняў святла1

Жанчыну-мэра на Філіпінах абвінавачваюць у шпіянажы на Кітай. Высветлілася, што яна не тая, за каго сябе выдавала1

Скарлет Ёхансан назвала кіраўніка OpenAI Альтмана выдатным прататыпам для злыдня Marvel

Помнік на магіле Прыгожына ў Пецярбургу аблілі белай фарбай. А ў руку ўставілі фалаімітатар ФОТАФАКТ4

«Па кодавым слове «Барысаўна» выкінула ў акно €760 тысяч». 16-гадовы кур'ер забраў у дваіх пенсіянераў 2,7 млн рублёў14

Што адбудзецца, калі Байдэн выйдзе з прэзідэнцкай гонкі?1

Украінскі фронт на Данбасе пасыпаўся ў некалькіх месцах — аналітык Bild10

Беларускі айцішнік пераехаў у Аўстралію і трапіў пад скарачэнні. І задаўся адвечным пытаннем «Што рабіць»?15

У Лідзе затрымалі ўладальніка кавярні «Тутака»

больш чытаных навін
больш лайканых навін

Круты: Бог паслаў ураган, каб прэзідэнт парадаваўся, што створаная ім сістэма выстаяла22

Круты: Бог паслаў ураган, каб прэзідэнт парадаваўся, што створаная ім сістэма выстаяла

Галоўнае
Усе навіны →