Лідар «Маладога фронту» назваў Лукашэнку «гаў…ком». Экспертыза палічыла гэта не абразай, а мемам
У ліпені 2018 года на Дзяніса Урбановіча, які нядаўна ўзначаліў «Малады фронт», напісалі заяву ў міліцыю за абразу кіраўніка дзяржавы.
«Гэта было ля рэстарана «Паедзем, паядзім» у Курапатах. Была спрэчка з дзвюма п'янымі дзяўчынамі, якія ўсё здымалі на відэа. Яны казалі, што Лукашэнка хутка з намі ўсімі разбярэцца. Тады я троху на эмоцыях вось так выказаўся пра нашага прэзідэнта. Хвілін праз пяць пасля гэтага да мяне падышлі супрацоўнікі міліцыі», — расказвае Урабановіч.
Хлопец кажа, што не хадзіў на экспертызы па гэтай справе. «Усяго было тры экспертызы: у верасні, кастрычніку і снежні. Складу злачынства ў маіх словах не ўгледзелі. У рашэнні гаворыцца, што я не абражаў, а выкарыстаў мем», — расказвае Урбановіч.
Напярэдадні Новага года хлопец атрымаў адразу два лісты з адмовамі ад завядзення крымінальнай справы. Адзін — з РУУС Мінскага раёна, другі — з Бараўлянскага аддзела міліцыі. «У выніку праведзенай праверкі было прынята рашэнне аб адмове ў завядзенні крымінальнай справы», — гаворыцца ў афіцыйных дакументах.
Дзянісу Урбановічу 29 гадоў, а родам ён з Міхалкавіч Лагойскага раёна, актыўны абаронца Курапатаў.
Сястра Калеснікавай прапанавала ў Брусэлі тры крокі, якія трэба зрабіць для вызвалення палітвязняў23
Каментары