Свет11

Лондан заявіў аб планах стварэння ваенных баз пасля Brexit

Пасля выхаду з ЕС Вялікабрытанія зноў мае намер стаць «глабальнай дзяржавай», заявіў міністр абароны краіны. Лондан адмовіцца ад палітыкі згортвання вайсковых баз, распачатай ў 1968 годзе, і вернецца ў Паўднёва-Усходнюю Азію і на Карыбы.

Брытанія павінна зноў адчуць сябе «глабальным гульцом» пасля выхаду з Еўрапейскага саюза, заявіў міністр абароны Вялікабрытаніі Гэвін Уільямсан у інтэрв'ю газеце The Telegraph. Паводле яго слоў, Лондан мае намер пашырыць сетку вайсковых баз.

Уільямсан заявіў, што пасля выхаду з ЕС уплыў Брытаніі на міжнароднай арэне зноў павінен пачаць расці. «Мы павінны быць аптымістычныя наконт нашай будучыні пасля выхаду з Еўрапейскага саюза. Гэта найважнейшы момант у нашай гісторыі пасля канца Другой сусветнай вайны», — падкрэсліў ён.

Па словах Уільямсана, для пашырэння ўплыву Лондан мае намер павялічыць колькасць вайсковых баз у розных рэгіёнах свету. «Я надаю вялікую ўвагу пытанню аб тым, як мы можам максімальна павялічыць колькасць нашых сіл і сродкаў перадавога базавання, ствараючы фактары стрымлівання, пры гэтым таксама забяспечваючы брытанскую прысутнасць. Мы вывучаем такія магчымасці не толькі на Далёкім Усходзе, але таксама і ў рэгіёне Карыбскага мора», — сказаў ён.

Паводле звестак крыніц выдання ў атачэнні міністра, гаворка можа ісці аб стварэнні вайсковых баз у былых брытанскіх калоніях — Сінгапуры і Брунеі ў Паўднёва-Кітайскім моры, а таксама ў Гаяне і брытанскай заморскай тэрыторыі Мантсэрат на Карыбах.

Уільямсан патлумачыў, што такім чынам Вялікабрытанія адракаецца распачатай ў 1968 годзе палітыкі, у межах якой краіна згортвала базы, якія знаходзяцца на ўсход ад Суэца. Так Брытанія дасць зразумець іншым краінам, што зноў становіцца «глабальнай дзяржавай», сказаў міністр.

Нягледзячы на выхад іх ЕС, Лондан не адракаецца ўдзелу ў сумесным планаванні абароны еўрапейскіх краін. У пачатку снежня Лондан анансаваў правядзенне ваенных вучэнняў у Балтыйскім моры з удзелам эстонскіх сіл. У Эстоніі таксама будзе пашыраны брытанскі ваенны кантынгент — на ўзмацненне ўжо наяўных злучэнняў у краіну будуць перакінутыя 20 новых танкаў.

Каментары1

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Усе навіны →
Усе навіны

МЗС Польшчы абвяргае інфармацыю аб забароне на ўезд для беларускіх аўтамабіляў — Вячорка10

У Мінску скардзяцца на затрымку выдачы пашпартоў. У чым прычына?7

«На першым допыце я расказаў усё, што ведаў». Стрыжак пра тое, як у 16 гадоў падставіў актывістку10

Чаму так шмат маладых хварэе на рак?5

Стала вядома, як пакаралі беларуса, які адрэзаў вушы сабаку3

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда3

Сайт «Белсата» перайшоў на мінімальны рэжым працы4

Дырэктарка Сакрэтнай службы ЗША пасля замаху на Трампа пайшла ў адстаўку6

Стала вядома пра арышт гісторыка Ігара Мельнікава21

больш чытаных навін
больш лайканых навін

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Галоўнае
Усе навіны →