Грамадства2323

Рэдактарка форуму talks.by расказала, як актывізаваліся расійскія боты і як яны сябе выдаюць

Ужо стала звыклай сітуацыя, што пры пэўных палітычных манеўрах беларускіх уладаў на нашых форумах актывізуюцца тролі, якія як пад капірку спрабуюць сваімі каментарыямі прасунуць нейкую думку. 

Такое адбываецца на ўсіх папулярных пляцоўках, на «Нашай Ніве» — у тым ліку. 

Самы буйны форум у Беларусі — гэта talks.by. Ягоная рэдактарка, Вольга Сыцько, адказала «Нашай Ніве», ці заўважная незвычайная актыўнасць форумных ботаў на фоне пікіровак Лукашэнкі і Пуціна. 

Вольга Сыцько, фота з фэйсбука.

«Вядома, у гэтай справе [каментаванні] немагчыма злавіць чалавека за руку ці ўбачыць, адкуль ён піша і ці плоцяць яму за гэта. Але, сапраўды, я магу дапускаць, што расійскія боты ёсць, — кажа Сыцько. — Я магу іх вылічыць па тых меркаваннях, якія яны хорам транслююць».

Як выдаюць сябе расійскія боты? 

«Троляў цікавіць пэўная тэматыка: адносіны між Беларуссю і Расіяй, «куды глядзіць Лукашэнка». Калі ў бок Расіі, то яму спяваюць дыфірамбы, калі раптам яго запрасілі ў Еўропу, умоўна, тыя ж самыя людзі пачынаюць яго лаяць. Сыходзячы з гэтай рыторыкі я магу рабіць свае высновы. Калі цераз цябе праходзіць шмат інфармацыі, то ты бачыш і разумееш тэндэнцыі і манеру пісаць. Часта яны выдаюць сябе, ужываючы такія асацыяцыі, якія ніколі не прыдуць у галаву беларусам. Элементарна, калі наш чалавек хоча сказаць, што нехта з'ехаў з глузду, то ён ужыве як метафару, напэўна, бальніцу ў «Навінках», а не нейкую бальніцу ў Падмаскоўі», — расказала рэдактарка talks.by. 

«Цікава, што пры гэтым сістэма ідэнтыфікуе такіх карыстальнікаў беларусамі, бо ІР у іх — беларускія. Расійскія боты найчасцей сядзяць з беларускіх ІР, а выдае іх лексіка. Каб нашыя каментары аналізавала нейронная сетка, то яна б сказала, што ў нас 5% расійскіх карыстальнікаў, а астатнія беларусы, некаторыя з якіх у апошні месяц актыўна сталі даводзіць, што «хочуць уз'яднання». Насамрэч жа яны толькі робяць выгляд». 

Але Сыцько кажа, што не бачыць нагод нешта мяняць у палітыцы прымання каментаў ці неяк такіх людзей абмяжоўваць. 

«Я не бачу праблемы ў тым, што яны пішуць. Гэта дзіцячы сад, скіравана на нейкага форумнага навічка, які зойдзе і падумае: «А што такое адбываецца? Нехта сапраўды хоча далучэння да Расіі, такое бывае?». Большая частка ботаў пішуць здзеклівым тонам, проста троляць. Гэта спосаб збіць цябе з панталыку. Так, за апошні час іх колькасць павялічылася, але не крытычна, нашыя карыстальнікі ўсё разумеюць і я магу толькі заклікаць іх больш актыўна выказваць сваё гледзішча, каб думкі сапраўдных беларусаў былі лепш бачныя», — падсумоўвае яна. 

Каментары23

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?3

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

Усе навіны →
Усе навіны

Хто такі Вадзім Красікаў, у якім так зацікаўленая Расія?1

У Калужскай вобласці пацярпеў крушэнне верталёт Мі-28, экіпаж загінуў2

Самае позняе рашэнне VAR у гісторыі. Гол Аргенціны на Алімпіядзе адмянілі толькі праз дзве гадзіны2

Хто той хлопец, які падарваў расійскага афіцэра ў Маскве і быў арыштаваны ў Турцыі6

Джо Байдэн: Я перадаю эстафету новаму пакаленню

«Раптам не прыйшоў на працу, а праз пару дзён яго затрымалі». Новыя падрабязнасці пра немца, прысуджанага да расстрэлу ў Беларусі1

У Добрушскім раёне асвяцілі хлеў з каровамі ФОТАФАКТ7

Беларус накарміў вужа рыбай і зняў працэс на ВІДЭА1

У Ляхавіцкім раёне мужчына хацеў спаліць суседскі хлеў, ды памыліўся будынкам1

больш чытаных навін
больш лайканых навін

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?3

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

Галоўнае
Усе навіны →