Улада99

Герасіменка, Ярмошын, Паўлаў, Ладуцька, Шорац. Як склаўся лёс былых мэраў Мінска пасля адстаўкі?

Новым старшынёй Мінгарвыканкама стаў міністр транспарту Анатоль Сівак.

Анатоль Сівак. Фота Вадзіма Заміроўскага, Tut.by

Чытайце: Пяць фактаў пра новага мэра Мінска Анатоля Сівака

Ягонаму папярэдніку Андрэю Шорцу Лукашэнка паабяцаў новую пасаду, не такую адказную.

«Дадаць так, як гэта трэба, ён не можа. Я гэта адчуваю. Таму мной прынята рашэнне аб пераводзе яго на іншую працу», — растлумачыў кіраўнік дзяржавы. Новае месца працы Шорца пакуль не вызначана.

А куды адпраўляліся пасля адстаўнікі іншыя былы мэры Мінска?

Аляксандр Герасіменка (1991-1995)

У савецкі час ураджэнец Узды Аляксандр Герасіменка ішоў па партыйнай лініі. Незалежнасць Беларусі ён сустрэў старшынёй Мінскага гарадскога савета народных дэпутатаў і старшынёй Мінгарвыканкама.

Пасля адстаўкі з пасады Герасіменка пачаў дыпламатычную кар’еру. Пяць гадоў ён быў паслом у Балгарыі, пасля шэсць гадоў намеснікам міністра замежных спраў і, нарэшце, сем гадоў паслом у Латвіі.

У 2017 годзе Герасіменка памёр.

Уладзімір Ярмошын (1995-2000)

Адзін з нямногіх, хто пайшоў на павышэнне. Пасля працы мэрам Мінска Ярмошын (не мае дачынення да старшыні ЦВК Лідзіі Ярмошынай) паўтара года ўзначальваў урад.

Ярмошын — ураджэнец Разанскай вобласці, у Беларусь ён патрапіў у 23 гады. «Я рускі чалавек, верны Беларусі», — казаў ён.

Ён доўгі час працаваў на Мінскім заводзе грамадзянскай авіяцыі, а ад пачатку 1990-ых пайшоў ва выканаўчую ўладу.

Пасля трагедыі на Нямізе ў 1999 годзе Ярмошын папрасіўся ў адстаўку, але Лукашэнка пакінуў яго кіраўніком Мінска.

Пабыўшы прэм’ер-міністрам, Ярмошын пачаў працаваць на расійскі бізнэс. Быў кіраўніком прадстаўніцтва МТС у Беларусі, пасля пераехаў у Маскву. Яшчэ праз нейкі час вярнуўся ў Беларусь дарадцам кіраўніка «Знешэканомбуда». Цяпер Ярмошыну 76 гадоў, але наменклатурныя сувязі ён захоўвае.

Міхаіл Паўлаў (2000-2009)

Бадай самы запамінальны старшыня Мінгарвыканкама. Яго, ураджэнца Шклоўскага раёна, перавялі ў сталіцу з пасады мэра Баранавічаў. А перад тым ён доўгі час узначальваў Баранавіцкі завод гандлёвага машынабудавання.

Менавіта пра Паўлаве ў Мінску была абвешчана вайна кіёскам на вуліцах — пераможная вайна.

Паўлаў памёр у 57 гадоў ад анкалогіі. Цяжкая хвароба і была прычынай адстаўкі.

Яго іменем названы парк паміж Малінаўкай і Паўднёвым Захадам. Сям’я жыве ў катэджы ў Драздах.

Мікалай Ладуцька (2009-2014)

На працягу года, пакуль Міхаіл Паўлаў быў яшчэ жывы, Ладуцька быў выканаўцам абавязкаў мэра.

Ён — адзіны са спісу карэнны мінчук.

Ладуцька рабіў кар’еру ў будоўлі, узначальваў Упраўленне капітальнага будаўніцтва Мінгарвыканкама.

Праз пяць гадоў працы на чале сталіцы яго з ганьбай выгналі з мэраў у дырэктары стратнага «Мотавела», там ён працуе і дагэтуль. Паспеў атрымаць зямлю пад катэдж у Драздах.

Андрэй Шорац (2014-2018)

Колішні кіраўнік аднаго з віцебскіх раённых камітэтаў Беларускага патрыятычнага саюза моладзі ўварваўся ў кіраўнікі Мінска з пасады міністра жыллёва-камунальнай гаспадаркі.

Яго галоўнае новаўвядзенне — стварэнне партала 115.бел. На якім можна пакідаць заяўкі на выпраўленне любых хібаў у горадзе — ад зламаных парэнчаў да выкручаных лямпачак. І схема рэальна працуе.

Каментары9

Банкі зніжаюць прыбытковасць па валютных дэпазітах да 0,1%. Тлумачым матэматыку

Банкі зніжаюць прыбытковасць па валютных дэпазітах да 0,1%. Тлумачым матэматыку

Усе навіны →
Усе навіны

Камароўскі рынак ператварыўся ў сапраўднае мора ВІДЭА6

Сілавікі ў Брэсце затрымалі дырэктара кампаніі за ўдзел у пратэстах у жніўні 2020 года

У Мінску з-за патопу закрылі станцыю метро «Парк Чалюскінцаў» ВІДЭА

«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве9

Літва развярнула на мяжы больш за 20 машын з Беларусі — у тым ліку з грамадзянкай Літвы за рулём5

Мінск сёння пайшоў пад ваду ФОТЫ13

Амерыканец у 14 гадоў стаў самым маладым футбалістам у гісторыі Амерыканскай футбольнай лігі

«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары3

Зямля ўвайшла ў метэорны паток Персеідаў. Дзе і калі пабачыць гэту незямную прыгажосць?

больш чытаных навін
больш лайканых навін

Банкі зніжаюць прыбытковасць па валютных дэпазітах да 0,1%. Тлумачым матэматыку

Банкі зніжаюць прыбытковасць па валютных дэпазітах да 0,1%. Тлумачым матэматыку

Галоўнае
Усе навіны →