Свет2121

Адразу некалькі краін заявілі аб магчымым байкоце ЧС па футболе ў Расіі

Гаворка пра дыпламатычныя крокі, а не байкот футбалістамі.

Брытанскія ўлады абмяркоўваюць з саюзнікамі ў ЗША і Еўропе патэнцыйныя меры, якія могуць быць ужытыя ў дачыненні да Расіі ў тым выпадку, калі Масква апынецца датычная да атручвання ў Англіі разведчыка-перабежчыка Сяргея Скрыпаля і яго дачкі. У якасці аднаго з варыянтаў разглядаецца байкот чэмпіянату свету па футболе, паведамляе The Times са спасылкай на крыніцы ў спецслужбах.

Па словах аднаго з суразмоўцаў, гэта можа прывесці да таго, што на турнір могуць не прыехаць палітыкі і чыноўнікі; мяркуецца, што гэтаму прыкладу могуць паследаваць такія краіны, як Аўстралія, Японія і Польшча. У крайнім выпадку дапускаецца і адмова зборнай Англіі ад удзелу ў ЧС-2018.

Акрамя гэтага, гаворка ідзе пра магчымыя дыпламатычныя, эканамічныя і ваенныя крокі. Сутнасць прапанаваных мер не раскрываецца.

Як адзначала The Telegraph, калі англійская зборная байкатуе чэмпіянат свету ў Расіі, то ёй можа пагражаць пакаранне ў выглядзе адхілення аж да наступнага сусветнага першынства, якое павінна прайсці ў 2022 годзе ў Катары. Гэта вынікае з палажэнняў рэгламенту Міжнароднай федэрацыі футбола. У самой арганізацыі публікацыю брытанскай газеты пакуль не каментавалі.

Пра магчымасць частковага байкоту ЧС-2018 6 сакавіка заявіў міністр замежных спраў Вялікабрытаніі Барыс Джонсан. Па словах крыніцы ў брытанскім МЗС, чыноўнік меў на ўвазе, што на турнір могуць не прыехаць прадстаўнікі ўладаў і іншыя афіцыйныя асобы, а не футбалісты; гэта пацвердзіла і прэм'ер-міністр Тэрэза Мэй.

Увечары 4 сакавіка 66-гадовага Скрыпаля і яго дачка Юлію знайшлі без прытомнасці на лаўцы ў скверы ў Солсберы. Яны атруціліся невядомым нервова-паралітычным рэчывам і трапілі ў кому, знаходзяцца ў бальніцы. Усяго ад атручвання пацярпеў 21 чалавек, у тым ліку сяржант паліцыі Нік Бейлі, які першым прыбыў на месца здарэння.

Каментары21

Месяцы карцару і два з паловай гады без сонца. Як малады мінчук прайшоў праз калонію і крытую турму1

Месяцы карцару і два з паловай гады без сонца. Як малады мінчук прайшоў праз калонію і крытую турму

Усе навіны →
Усе навіны

Адчуюць на сабе не толькі чаўнакі і перагоншчыкі. Як новыя абмежаванні ад ЕС адаб'юцца на простых беларусах15

Маркаў заклікаў замясціць YouTube, Telegram, Instagram і TikTok беларуска-расійскімі сацсеткамі13

Абноўлены «Белсат» спыніць вяшчанне праз спадарожнік?13

З міжнароднай версіі «Яндэкс Картаў» прыбралі беларускую мову9

У цэнтры Мінска з'явілася астуджальная арка ВІДЭА

Пад Масквой разбіўся пасажырскі самалёт Sukhoi Superjet-1009

Мінулая ноч у Мінску была «агурковай». Гэта як?2

Джэніфер Лопес і Бэн Афлек выставілі на продаж шыкоўны асабняк у Беверлі-Хілз ФОТЫ1

Вядомы беларускі арбітр апынуўся за кратамі за стварэнне «экстрэмісцкага» чата1

больш чытаных навін
больш лайканых навін

Месяцы карцару і два з паловай гады без сонца. Як малады мінчук прайшоў праз калонію і крытую турму1

Месяцы карцару і два з паловай гады без сонца. Як малады мінчук прайшоў праз калонію і крытую турму

Галоўнае
Усе навіны →