Музыка44

Добрыя песні на Новы год і Каляды

Да Новага года засталося меней чым суткі. Каталікі і пратэстанты адсвяткавалі Раство 25 снежня, праваслаўная грамада Беларусі будзе яго адзначаць 7 студзеня. «Наша Ніва» сабрала вядомыя калядныя (у заходнім свеце галоўнае свята — Раство) і навагоднія песні. Правядзіце святы пад іх.

Класічны хіт гурту ABBA

Папулярная брытанская песня (з 16 ст.!)

Амаль што навагодні хіт ад Эда Шырана. Месяц таму выклаў на юцюб, а ўжо 412 мільёнаў праглядаў.

Напісаную ў 1850-х Jingle Bells хто толькі не спяваў! Паслухаем джазавы варыянт Элы Фіцджэральд.

А гэта яе беларускі варыянт:

Яшчэ адна калядная песня — Let it snow, напісаная ў 1945 г. у спякотны ліпеньскі дзень. Трывала асацыюецца з Фрэнкам Сінатрам, хоць упершыню яе выканаў Вон Манро. Вось толькі снегу ў бліжэйшыя дні не будзе.

Сапраўдны шэдэўр колькі гадоў таму стварыў Зміцер Вайцюшкевіч. Словы напісаў Уладзімір Някляеў. Гэта зачароўвае:

Над Крэвам сцямнела
I першая зорка ўзышла
Зусiм маладая.
I свецiць няўмела.
Пакуль ты шукала,
Пакуль ты мяне не знайшла
Над Крэвам сцямнела.
Рачулка знямела
Пад лёдам, суцiшыўшы бег.
Завея саспела.
Прыйшлi снегапады.
Пакуль ты на ганку
Змятала з валёначак снег,
Насталi Каляды.

Прыпеў:

На Каляды, на Каляды
Снегапады, снегапады.
Не праехаць, не прайсцi
— Падымайся i ляцi.
Як сняжынка, як сняжынка
Ад сцяжынкi да сцяжынкi,
Ад ялiнкi да ялiнкi
У мае абдымкi.
Званы зазвiнелi.
Хрыстос усміхнуўся з нябёс
Калядная зорка
То гасла, то ззяла.
Ты рады пытала,
Што гэтакi выпаў нам лёс.
Якi выпаў лёс — не казала.

Пуэрта-Рыка — гэта не толькі «Дэспасіта» Луіса Фонсі і Дэдзі Янкі. У 1970 г. Хасэ Фелісіяна напісаў Feliz Navidad, што стаў хітом не толькі ў краінах Лацінскай Амерыкі, але і ў ЗША і Канадзе.

Яшчэ адна з самых папулярных у свеце песняў — гэта White Christmas, напісаная ў 1942 г. вялікім амерыканскім кампазітарам, між іншым, ураджэнцам беларускага Талачына Ірвінгам Берлінам. Яна была ўпершыню праспяваная Бінгам Кросбі. Песню потым выконвалі і Фрэнк Сінатра, і Элвіс Прэслі, і Нэт «Кінг» Коўл, і Дзін Марцін. У дадзеным выпадку аддамо перавагу класічнаму выкананню Бінга Кросбі.

Украінская народная песня Щедрик, апрацаваная Мікалаем Леантовічам, у заходнім свеце стала хітом Carol of the Bells

А вось яна па-ўкраінску ў выкананні Ціны Караль і дзіцячага хору.

Для настальгіі: «Каляда» ад «Песняроў».

А гэта «Балада пра святога Мікалая» Віктара Шалкевіча.

І нарэшце сапраўдны «Цуд на Каляды» ў выкананні Аляксандра Памідорава з праекта «Святы вечар»

Каментары4

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта17

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →