Свет22

Lego стаў самым уплывовым брэндам у свеце

Росту ўплыву пасадзейнічаў і «Лега. Фільм»

Самым уплывовым брэндам у свеце ў гэтым годзе стаў дацкі вытворца цацак Lego, вынікае з рэйтынгу, складзенага кансалтынгавым агенцтвам Brand Finance.

У рэйтынгу кошту брэндаў Lego займае толькі 196-ы радок, аднак у рэйтынгу ўплывовасці ён пакінуў ззаду Google, Nike, Disney і многія іншыя сусветна вядомыя брэнды. Пры складанні рэйтынгу самых уплывовых брэндаў ацэньваецца папулярнасць і вядомасць брэнда, рэпутацыя кампаніі і лаяльнасць спажыўцоў.

Lego ўжо займаў першы радок рэйтынгу самых уплывовых брэндаў у 2015 годзе, а ў 2016 годзе ён заняў другое месца ў рэйтынгу, саступіўшы толькі Disney.

Цяпер складана паверыць, што дацкая кампанія ў 2004 годзе была блізкая да банкруцтва: яе доўг перавысіў 800 млн даляраў. Нават старшыня рады дырэктараў Lego Brand Group Ёрген Віг Кнудсторп тады прызнаў паразу.

«Мы стаім на выпаленай зямлі, у нас скончыліся сродкі і хутчэй за ўсё мы не выжывем», — казаў ён тады калегам.

А ў 2016 годзе кампанія Lego паведаміла аб рэкорднай выручцы 5,9 млрд даляраў і чыстым прыбытку 1,5 млрд. Некаторыя эксперты назвалі рэструктурызацыю Lego адной з самых удалых.

Кампанія адмовілася ад імкнення да дыверсіфікацыі — у 2005 годзе кампанія пазбавілася ад тэматычных паркаў Legoland, на якія Lego раней выдаткоўвала немалыя грошы.

Кампанія больш увагі надала свайму галоўнаму кірунку працы — вырабу цацак. Канструктары Lego любяць не толькі дзеці, прадстаўнікі старэйшых пакаленняў таксама неабыякавыя да іх.

Lego ўдалося прадаць 75 млн канструктараў ў 2016 годзе.

У мінулым годзе кампанія выйшла на рынак Кітая, адкрыўшы там новую фабрыку, што дазволіла ёй зрабіць таннейшай вытворчасць і канкураваць з вытворцамі, якія прадаюць танныя цацкі.

Каментары2

Падрабязнасці тэракту Крыгера пад Азярышчам — разбураныя шпалы і ніводнага параненага8

Падрабязнасці тэракту Крыгера пад Азярышчам — разбураныя шпалы і ніводнага параненага

Усе навіны →
Усе навіны

За «абразу прадстаўніка ўлады» мастачцы з Полацка прызначылі прымусовае лячэнне. Яна вярнулася з Польшчы3

«З лёгкім ветрам» і «Нарэшце, бро» — што пішуць Байдэну ў твітары

Стрыжак расказаў, ці ўзяў бы мільён даляраў ад Чыжа6

У Беларусі з'явіцца нацыянальны відэахостынг — видео.бел 10

Джэй Ло перастала насіць заручальны пярсцёнак. Канец гісторыі кахання

Адэсіт за $6 тысяч збег ад мабілізацыі ў Расію, дзе стаў кантрактнікам. А калі трапіў на фронт, то здаўся ўкраінцам8

Чаму Байдэн вырашыў выйсці з гонкі? Вось што пра гэта пішуць сусветныя медыя4

Сотні буслоў сабраліся на адным полі ля Гродна ФОТАФАКТ2

Колькасць легкавікоў на беларуска-польскай мяжы вырасла да гіганцкіх 3501

больш чытаных навін
больш лайканых навін

Падрабязнасці тэракту Крыгера пад Азярышчам — разбураныя шпалы і ніводнага параненага8

Падрабязнасці тэракту Крыгера пад Азярышчам — разбураныя шпалы і ніводнага параненага

Галоўнае
Усе навіны →