Былыя работнікі БНТУ затрыманыя за крадзяжы ў буйным памеры, паведамляецца на сайце ГУУС Мінгарвыканкама.
Пракуратура Савецкага раёна Мінска 2 чэрвеня распачала крымінальную справу па ч. 3 арт. 210 (крадзеж шляхам злоўжывання службовымі паўнамоцтвамі ў буйным памеры) КК у дачыненні да былых службовых асоб Беларускага нацыянальнага тэхнічнага ўніверсітэта. Санкцыя названай частцы артыкула прадугледжвае адказнасць у выглядзе пазбаўлення волі на тэрмін ад трох да дзесяці гадоў з канфіскацыяй маёмасці і з пазбаўленнем права займаць пэўныя пасады або займацца пэўнай дзейнасцю.
Выяўлена, што на працягу многіх гадоў службовыя асобы выкрадалі грошы ўніверсітэта. Яны шукалі беспрацоўных грамадзян, якім неабходны быў працоўны стаж, і працаўладкоўвалі на пасадзе тэхнічнага персаналу. Аднак фактычна яны не працавалі. У табелі ўліку працоўнага часу ўносілі звесткі аб нібыта адпрацаваным «мёртвымі душамі» працоўным часе. Далей табелі перадаваліся ў бухгалтэрыю для налічэння заработнай платы і наступнага пералічэння грошай на карт-рахункі. Грашыма службовыя асобы распараджаліся паводле свайго меркавання, бо банкаўскія пластыкавыя карты знаходзіліся ў іх. Сума выкрадзеных сродкаў склала больш за 94 млн недэнамінаваных рублёў.
Беларуская блогерка працавала на расійскай апазіцыйнай фабрыцы ботаў, а пасля зліла дакументы?43
Каментары