Заўзятары з дзясятка краін салідарызаваліся з фанатам мінскага «Дынама», асуджаным за «распальванне варожасці». Хто такі Віталь «Пума»?

Ад пачатку года фанацкі сектар мінскага «Дынама» пустуе як на хатніх, гэтак і на гасцявых матчах. І гэта дзіўна, бо вядома, што «Дынама» мае самую шматлікую фанацкую групоўку ў краіне. У чым прычына? Чарговае супрацьстаянне з сілавікамі? І так, і не.

Павялічыць

Справа ў тым, што ў лістападзе мінулага года ў Мінску супрацоўнікамі ГУБАЗіК быў затрыманы адзін з самых аўтарытэтных фанатаў мінскага «Дынама» Віталік «Пума». За месяц да гэтага сілавікі правялі ператрус у яго дома, канфіскавалі тэхніку.

Павялічыць

У лістападзе ж «Пуме» прадставілі абвінавачанні па частцы 2 артыкула 343 Крымінальнага кодэкса — «Выраб і распаўсюд парнаграфічных матэрыялаў ці прадметаў парнаграфічнага характара». Адным з пунктаў абвінавачання быў змешчаны на сайце Укантакце ролік з рэкламай прэзерватываў, які нават перамог на «Канскіх львах» у 2010 годзе. Паглядзець рэкламу свабодна можна на Ютубе, а гэты сэрвіс уважліва сочыць, каб не прапускаць ніякай парнаграфіі.

Выданне by.tribuna.com, праўда, дадае, што гэта было не адзінае абвінавачанне фаната. Яго судзілі таксама па артыкуле 130 ч. 1 «Распальванне расавай, нацыянальнай, рэлігійнай варажнечы». У выніку Мінскі абласны суд асудзілі Віталя «Пуму» да 2,4 года зняволення ў калоніі агульнага рэжыму. Суд адбываўся ў закрытым рэжыме.

У выніку фанаты «Дынама» вырашылі не хадзіць на гульні да той пары, пакуль Віталь не апынецца на свабодзе.

У першы дзень лета запрацаваў адмысловы сайт, прысвечаны Віталю. У сацыяльных сетках актыўна юзаецца хэштэг #freepuma.

«Пума» быў актыўным фанатам мінскага «Дынама» ад 1998 года. Варта адзначыць, што левыя фанаты «Партызана» называюць яго адным з самых крайне правых фанатаў краіны. «Адзін з алдовых мінскіх бонаў (адгалінаванне скінхэдаў — «НН»). Жыве ў Гатаве. Нягледзячы на тое што скончыў інстытут з чырвоным дыпломам, мазгоў яму ад гэтага не дадалося. Пастаянна раздае пагрозы на адрас антыфашыстаў і фанатаў МТЗ-РІПА, толькі, як правіла, яны ні да чаго не прыводзяць. Праз сваю тупасць і адмарожанасць быў шматкроць біты, прытым самымі рознымі людзьмі», — такую характарыстыку «Пуме» даюць антыфашысты.

Асабліва трэба адзначыць, што флэш-моб у падтрымку «Пумы» падтрымалі фанаты з самых розных краін — Польшчы, Украіны, Расіі, Балгарыі, Венгрыі, Сербіі, Латвіі, Эстоніі і іншых. Натуральна, што сваю салідарнасць выказваюць і многія беларускія клубы.

Напрыклад, фанаты бранскага «Дынама» сфоткаліся з бел-чырвона-белым сцягам, на якім напісана FreePuma. Фанаты маскоўскага ЦСКА намалявалі графіці па-беларуску «Трымайся, Пума». А прыхільнікі плоўдзеўскага «Боцева» вывесілі на гульні аграмадны банер таксама па-беларуску «Трымайся, Пума! Фанат не злачынца».

Свабоду Віталіку Пуме. ⚪️⚪️ #FreePuma

Публикация от Hooligans ☠ Riot (@bryansk_ultras98) Май 8 2017 в 9:32 PDT

Repost @rbsmurfs #freepuma

Публикация от #FreePuma #БСД #БСD (@smurf_minsk) Май 11 2017 в 2:19 PDT

#repost #freepuma #Dynamo Конвейер решателей чужих судеб продолжает свою работу. Вчера мы узнали, какой приговор озвучили люди, которым по несправедливой случайности вверены такие полномочия, нашему другу и брату Виталику Пуме. Абсолютно невиновный человек с конца ноября 2016 года находился в СИЗО, ожидая, что же ему пришьют сотрудники конвейера. Взывать к совести или благоразумию этих людей - дело пустое. Если у их предшественников и идейных вдохновителей не дрожала рука стрелять в затылок невиновных земляков и сограждан 80 лет назад, то удивительно было бы, чтобы взыграла совесть сейчас. "Вон покатилась вторая звезда Вам на погоны"... Мы благодарим всех фэнов из нашего Движа, из других братских коллективов Беларуси, Польши, Украины, России, Болгарии, Латвии, Венгрии и другие страны за слова и дела поддержки и солидарности! Солидарность! Именно это слово теперь должно стать для всех нас отправной точкой во всём! В таких случаях проверяются люди и крепнет дружба! В этой ситуации мы не имеем права возвращаться на сектор. Каждый здравомыслящий фанат нашего родного клуба должен понимать и осознавать всю ситуацию, которая происходит сейчас внутри фанатского движения, поэтому мы приняли решение о БАЙКОТРИВАНИИ ВСЕХ МАТЧЕЙ В НАШЕЙ СТРАНЕ НА НЕОПРЕДЕЛЁННЫЙ СРОК! Гордость и Честь для нас это не пустые слова! Если ты не можешь противостоять злу, хотя бы не сотрудничай с ним. Всем, кто нас услышал и понял мы крепко жмём руку!

Публикация от Алексей Гоглев (@lesha_goglev) Май 3 2017 в 11:07 PDT

Павялічыць

Павялічыць

Асабліва на гэтым фоне адзначыўся адзін з гульцоў мінскага «Дынама» і нацыянальнай зборнай Арцём Быкаў, які таксама не пабаяўся змясціць у сябе на старонцы хэштэг #freepuma.

• 0
• 0
• 0
• 0
• 0
• 0
• 0
• 0