Здарэнні1717

Суд патлумачыў, чаму пакаранне Давыдовічу такое мяккае

Прэс-служба Вярхоўнага суда апублікавала на сайце тлумачэнне па рэзананснай справе ў дачыненні да заснавальніка дабрачыннай арганізацыі «У дапамогу дзецям-сіротам», які 28 снежня быў прыгавораны да пяці гадоў пазбаўлення волі. Пра гэта паведамляе БелаПАН.

Вячаслаў Давыдовіч. Фота Сяргея Гудзіліна

Улічваючы, што паводле папярэдняга прысуду па эканамічным артыкуле Вячаслаў Давыдовіч адседзеў амаль тры гады, на волю ён выйдзе прыкладна праз год і восем месяцаў.

Справа слухалася ў Мінскім гарадскім судзе ў закрытым рэжыме, бо гаворка ішла аб палавых злачынствах.

Першапачаткова фігуранту выставілі абвінавачванне па пяці артыкулах Крымінальнага кодэкса: гвалтоўныя дзеянні сэксуальнага характару ў дачыненні да непаўналетніх, у дачыненні да заведама малалетніх (чч. 2 і 3 арт. 167; пакаранне — да 15 гадоў пазбаўлення волі), палавыя зносіны і іншыя дзеянні сэксуальнага характару з асобай, якая не дасягнула 16-гадовага ўзросту (арт. 168; да 4 гадоў пазбаўлення волі), незаконная прадпрымальніцкая дзейнасць (ч. 2 арт. 233; да 5 гадоў пазбаўлення волі), злоўжыванне ўладай або службовымі паўнамоцтвамі (ч. 2 арт. 424; да 6 гадоў пазбаўлення волі), службовы падлог (ч. 2 арт. 427; да 3 гадоў пазбаўлення волі).

Аднак падчас судовага разбору дзяржабвінаваўца Сяргей Кротаў выставіў новае абвінавачанне Давыдовічу ва ўчыненні злачынстваў, прадугледжаных толькі арт. 168, ч. 2 арт. 233 КК. У судзе таксама не знайшло пацвярджэння абвінавачанне ў службовых злачынствах (арт. 424, 427).

У выніку Вячаслава Давыдовіча прызналі вінаватым у тым, што ў яго былі сэксуальныя адносіны з непаўналетнімі (але без гвалту з яго боку, гэта значыць усе пацярпелыя былі згодныя на інтым), а таксама ў незаконнай прадпрымальніцкай дзейнасці. Па гэтых артыкулах суд прызначыў максімальна магчымае, згодна з законам, пакаранне.

«Суд не мае права выйсці за межы выстаўленага абвінавачання, не можа змяніць кваліфікацыю злачынства і ўжыць артыкул КК, які прадугледжвае больш строгае пакаранне, — адзначаецца ў растлумачэнні прэс-службы ВС. — Нельга ўжыць артыкул з больш суровым відам пакарання, з большай мінімальнай або максімальнай санкцыяй, а таксама які прадугледжвае дадатковае пакаранне або звязаны з больш строгім рэжымам адбыцця пакарання».

Адразу пасля абвяшчэння прысуду журналісты задавалі пытанне дзяржабвінаваўцу, чаму не знайшлі пацвярджэння абвінавачванні па арт. 167. Усё ж такі розніца ў максімальных тэрмінах (15 гадоў пазбаўлення волі і 4 гады пазбаўлення волі) істотная. Аднак пракурор выразных тлумачэнняў не даў, спаслаўшыся на тое, што судовы разбор праходзіў ў закрытым рэжыме.

«Але гэта не значыць, што на стадыі папярэдняга следства спрацавалі дрэнна», — заявіў Кротаў.

Адвакат Давыдовіча Кацярына Шакун заявіла, што па арт. 168 КК у справе каля 10 эпізодаў. «Аб тысячах ахвяр гаворка не ідзе», — адзначыла абаронца.

Паводле яе слоў, абвінавачаны не прызнаў віну ні па адным выстаўленым складзе. У яго ёсць права абскардзіць прыгавор у Вярхоўным судзе.

Фігурант «справы педафілаў» Давыдовіч асуджаны за сувязь з падлеткамі на 5 гадоў, але адсядзіць менш за 2 гады

Каментары17

Байдэн выходзіць з прэзідэнцкай гонкі43

Байдэн выходзіць з прэзідэнцкай гонкі

Усе навіны →
Усе навіны

Следам за краснадарцамі выйшлі патрабаваць электрычнасці і жыхары Анапы1

«25 літраў за 2 гадзіны». Грыбныя трафеі з лясоў сталі больш разнастайнымі3

«Мінскія Патрыкі? Не, Бікіні Ботам». Найлепшыя твіты тыдня4

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

Олаф Шольц дагэтуль глядзіць лямпавы тэлевізар6

Славакія і Венгрыя спыняюць пампаваць нафту праз трубаправод «Дружба». Гэта важна і для Беларусі

УСУ нанеслі ўдар па вайсковым аэрадроме ў Растоўскай вобласці2

Немец, прысуджаны да расстрэлу, датычны да дыверсій? Вось што за гісторыя гэта магла быць9

больш чытаных навін
больш лайканых навін

Байдэн выходзіць з прэзідэнцкай гонкі43

Байдэн выходзіць з прэзідэнцкай гонкі

Галоўнае
Усе навіны →