Пракуратура Гомельскай вобласці завяла крымінальную справу ў дачыненні да былога дырэктара Чачэрскага прафліцэя за злоўжыванне службовымі паўнамоцтвамі, паведаміў намеснік начальніка аддзела па барацьбе з карупцыяй і арганізаванай злачыннасцю пракуратуры вобласці Сямён Фядорчанка.
Згодна з матэрыяламі справы, 48-гадовы кіраўнік даваў незаконныя ўказанні афармляць фіктыўныя дакументы аб наборы навучэнцаў у групы, перадае БЕЛТА.
Факты выявіліся па выніках уступных кампаній 2014 і 2015 гадоў. На навучанне ўяўных навучэнцаў траціліся дзяржаўныя грошы. Агульная сума неправамерна выдаткаваных сродкаў перавысіла 11 тысяч рублёў.
У крымінальнай справе таксама фігуруюць іншыя эпізоды супрацьпраўнай дзейнасці былога дырэктара, у тым ліку крадзеж шляхам злоўжывання службовымі паўнамоцтвамі. Абвінавачаны знаходзіцца пад вартай.
Беларуская блогерка працавала на расійскай апазіцыйнай фабрыцы ботаў, а пасля зліла дакументы?43
Каментары