Лодка перакулілася праз тое, што пасажыры перагрупаваліся на адзін борт.
Каля 30 чалавек сталі ахвярамі караблекрушэння на возеры Альберт ва Угандзе. Пра гэта паведаміла сёння агенцтва AFP.
Інцыдэнт адбыўся ў нядзелю. На патанулым судне знаходзіліся футбалісты мясцовай каманды і іх заўзятары.
«Вада была спакойнай, праблема ўзнікла, калі падчас свята футбалісты і іх заўзятары перагрупаваліся на адзін борт лодкі, якая пачала разгойдвацца. У выніку лодка перакулілася, каля 30 чалавек патанулі», — прыводзіць агенцтва словы прадстаўніка мясцовай паліцыі.
Каментары