Грамадства66

Лукашэнка: Рэформы ў сістэме адукацыі не патрэбныя

«Хопіць гэтых рэформаў у адукацыі — трэба ўдасканальваць тое, што ёсць», — заявіў Аляксандр Лукашэнка, заслухаўшы 9 жніўня даклад чыноўнікаў урада аб ходзе прыёмнай кампаніі і падрыхтоўцы сістэмы адукацыі да новага навучальнага года.

«Трэба даць нармальныя падручнікі, перш за ўсё, падручнікі гісторыі ў школы, каб дзеці разумелі, што адбывалася ўчора ў нашай краіне. Погляд у мінулае — гэта погляд у будучыню. Не мне вас вучыць. А мы пачынаем займацца не тымі пытаннямі, якія сёння неадкладныя, надзённыя для нашай сістэмы адукацыі», — цытуе Лукашэнку прэс-служба прэзідэнта.

У прыватнасці, адзначыў ён, неабходна «акуратна ставіцца» да Балонскага працэсу. Неабдуманыя рашэнні ў гэтым кірунку проста разбураць старую нармальную сістэму адукацыі, а на яе месцы нічога не з'явіцца, дадаў Лукашэнка.

«Нас ужо заходнікі папярэджваюць: вы адзіныя ў былым сацыялістычным лагеры, не кажучы пра Савецкі Саюз, засталіся, хто не разбурыў сістэму адукацыі, і яна дае вам эфект, не паламіце яе. Асабліва нас папярэджваюць нашы заходнія суседзі — усходне-еўрапейскія дзяржавы, якія мелі падобную сістэму адукацыі», — падкрэсліў кіраўнік дзяржавы.

Яшчэ адным важным пытаннем у сістэме адукацыі, паводле яго слоў, з'яўляецца падрыхтоўка вучняў да школы. «Маё патрабаванне адно, яно зыходзіць ад грамадства: усе дзеці павінны быць у роўных умовах і павінны пайсці ў школу «аднолькава». Яны павінны быць апранутыя, як усе. Ёсць бяднейшыя пласты насельніцтва, ёсць сярэднія, багатыя і гэтак далей, але дзеці ў гэтым не вінаватыя. Яны павінны быць апрануты і падрыхтаваны: партфелі, рукзакі і іншае, што неабходна, ад пластыліну і алоўкаў да адзення — усё павінна быць аднолькавае. Дзе браць грошы, я ўжо дзесяць разоў пра гэта казаў у папярэднія гады», — дадаў Лукашэнка.

Каментары6

Расійскі шахед выбухнуў за 55 км ад Бабруйска15

Расійскі шахед выбухнуў за 55 км ад Бабруйска

Усе навіны →
Усе навіны

Маладой айцішніцы пагражае да дзесяці гадоў калоніі за ахвяраванні Украіне7

Памёр Міхаіл Вергеенка1

Латвія хоча наогул забараніць машынам з беларускімі нумарамі перасоўвацца па краіне8

Віцебская сям'я знайшла зніклага сваяка праз 25 год1

Трамп упершыню з'явіўся на публіцы з перавязаным вухам пасля стрэлаў у Пенсільваніі ФОТА1

Беларус, які сарваўся са скалы ў Кабардзіна-Балкарыі, загінуў

«Білі флагштокам, каб роўна стаяў на каленях перад начальнікам», — палітвязень, які мяняў сцягі на бел-чырвона-белыя, расказаў пра зняволенне

Уначы шахед зноў заляцеў у Беларусь1

На Валожыншчыне блаславілі новы помнік на магіле святара, якога забілі камсамольцы ў 1950 годзе1

больш чытаных навін
больш лайканых навін

Ад заўтра абмежаванні на ўезд аўто з беларускімі нумарамі мае ўвесці Літва5

Ад заўтра абмежаванні на ўезд аўто з беларускімі нумарамі мае ўвесці Літва

Галоўнае
Усе навіны →